Salmos 91:2 - Tayta Diosninchi Isquirbichishan

² Tayta Diosta mañacurmi nishaj: «Tayta Dios, gammi pacacunä canqui. Gammi callpayojyächimanqui. Gammanmi yäracö» nir.

Salmos 91:2 Referans Kwoze

Salmos 18:2

Gammi canqui washämaj, pacamaj, salbamaj, Diosnë, chapämaj gaga, chapacuna escüdö, munayniyoj salbamajnë, altunnin pacacunä.

Proverbios 18:10

Tayta Diosga caycan mana tunej alli arusha törrinömi. Alli runacuna payman yäracojtaga imapitapis chapanmi.

Isaías 12:2

Tayta Diosmi salbaman. Payman yäracurmi imapitapis mana manchacöchu. Tayta Diosmi callpata goman, imapitapis pacaman. Paymi salbamajnë.»

Salmos 142:5

Gamtami mañacamö Tayta Dios. Mañacamushpämi cayno në: «Gammi canqui pacacunä. Gamllami cay bïdachöga cawachimanqui» nir.

Salmos 46:1

Diosmi imapitapis pacamajninchëga. Ñacaycashanchi örapis juclla yanapämanchi.

Salmos 71:3

Gammi canqui gaganöpis chapämajnë. Gammi canqui pacacuna siudä, salbamajnë. Chaymi gamllaman guellicamö.

Salmos 14:6

Alli runacuna yarpashanta fiyucunaga manacajmanmi churan. Chaypis alli runacunataga Tayta Dios chapanmi.

Salmos 91:9

Pacashunayquipämi Tayta Diosman gamga yäracushcanqui. Paymanmi yäracushcanqui imapitapis chapäshunayquipaj.

Hebreos 11:16

Unay tiyashan marcanpitapis syëlucho caycaj marca mas alli cashanta musyarmi chayno shuyaran. Chay marcaman chayanancunapaj cashanta musyarmi paycunaga Tayta Diosninchïman yäracuran. Chayno yäracushanpitami Tayta Diospis mana pengacunchu paycunapa Diosnin cayta. Chaymi chay marcata camarishana paycunata shuyaraycächin.

Salmos 48:14

Paycunata willapanqui imaypis Tayta Dioslla Diosninchi cashanta. Payllami imaypis pushamäshunpaj.

Génesis 17:7

Gamwanpis gampita mirajcunawanpis conträtutami rurashaj. Chay conträtu rurashäga imaycamapis canga. Nogami cashaj gampa Diosniqui; chayno gampita mirajcunapapis.

Lucas 20:38

Diosga manami wañojcunapa Diosninchu. Payga cawaycajcunapa Diosninmi. Paypäga llapanpis cawaycanmi.»

Jeremías 31:1

Tayta Diosmi nin: «Chay wichanga nogami llapan Israelcunapa Diosnin cashaj. Paycunanami acrashä runacuna canga.»

Salmos 43:4

Chaynöpami altarniquiman chayashaj. Chaychönami alabashayqui arpanpawan. Tayta Diosnë, gammi sumaj cushicachimanqui.

Salmos 18:3

Tayta Dios, alabasha canayquimi camacan. Mañacamuptë chiquimajcunapitaga salbamanquimi.

Salmos 25:2

Tayta Dios gammanmi yäracamö. Pengaycho canätaga ama camacächiychu. Chiquimajcunapis ama cushipämächunchu.

Salmos 31:15

Nogaga gampa maquiquichömi cawaycä. Salbaycamay ari chiquimashpan gaticachaycämajcunapita.

Salmos 46:2

Chaymi ama manchacushunchu cay pacha intërupa rachicaycaptinpis, jircacuna lamarman tallpucaycaptinpis,

Salmos 61:5

Tayta Dios, gamga wiyamashcanquimi imata ruranäpaj aunishätapis. Chaymi rispitashoj runacunata aunishayquita nogatapis gomashcanqui.

Salmos 142:6

Wiyaycamay ari gaparaypa mañacamushäta. Balurnë manami cannachu. Gaticachämajcunapitaga pacaycamay ari. Paycunaga nogapita mas callpayojmi.