Salmos 9:2 - Tayta Diosninchi Isquirbichishan

² Munayniyoj Tayta Diosnë gampaj cushicurmi gamta alabä. ¡Alabansacunatami cantashaj!

Salmos 9:2 Referans Kwoze

Salmos 83:18

Llapan musyachun gam japallayqui Tayta Dios cashayquita. Tantiyacuchun gamlla janaj pachacho cay pachachöpis Tayta Dios cashayquita.

Salmos 5:11

Gamman yäracamojcuna ichanga cushicuchun. Cushicuypita imay örapis cantachun. Gammi paycunataga imapitapis chapaycanqui. Gamta cuyashoj cajcunaga gampämi cushicun.

Salmos 7:17

Nogaga Tayta Diostami agradësicushaj alli arriglaj cashanpita. Janajcho caycaj Tayta Diostami alabansacunawan alabashaj.

Salmos 97:9

Janaj pachacho caycaj Tayta Dios, gamga caycanqui intëru allpa jananpa, waquin dioscunapitaga mas janajchöraj.

Salmos 28:7

Tayta Diosmi fiyupa munayniyoj chapämäga. Paymanmi llapan shongöpa yäracö. Paymi yanapäman. Chaypitami fiyupa cushisha goyä. Chaymi Tayta Diosta agradësicur alabashaj.

Filipenses 4:4

Jesucristupa maquincho cawaycarga cushicuy-llapa. Yapaypis nëmi «cushicuy-llapa».

Salmos 97:12

¡Chaymi alli ruraj runacunaga Tayta Dios rurashanpita cushicuy! ¡Juchaynaj Tayta Diosninchïta agradësicuy!

Salmos 92:1

Janajcho caycaj Tayta Dios, sumaj allimi gamta agradësicuyga; sumaj allimi cantar gamta alabayga.

Daniel 5:18

«Tayta ray, musyashayquinöpis papäniqui Nabucodonosorpa maquinchömi chaychica marcacuna caran. Payga fiyupa munayniyojmi caran. Llapan runami manchacuran. Chayno cananpäga janaj pachacho caycaj Tayta Diosmi camacächiran.

Salmos 92:4

Tayta Dios, gamga llapan rurashayquicunawanmi cushicachimashcanqui. Chaypitami fiyupa cushisha alabashayqui.

Salmos 43:4

Chaynöpami altarniquiman chayashaj. Chaychönami alabashayqui arpanpawan. Tayta Diosnë, gammi sumaj cushicachimanqui.

Salmos 27:6

Yanapämanga chiquimajcunata binsinäpaj. Chaura nogaga Wasincho uywata pishtarcur rupachishaj. Cushicuywan alabansacunata paypaj cantashaj.

Salmos 26:7

Chaychömi alabansacunata cantashaj. Fiyupa almiraypajcunata rurashayquitapis willacushaj.

Salmos 86:12

Tayta Dios, llapan shongöpami alabashayqui, adurashayqui.

Salmos 96:3

Pay munayniyoj cashanta nasyuncunaman willacuy. Fiyupa almiraypajta rurashancunatapis marcacunaman willacuy.

Salmos 138:1

Tayta Dios, llapan shongöpami agradësicushayqui. Alabansacunawanmi dioscunapa ñaupancho alabashayqui.