Salmos 86:1 - Tayta Diosninchi Isquirbichishan

¹ Tayta Dios, wiyaycamay ari. Nogaga caycä fiyupa llaquishami, pasaypa pobrimi.

Salmos 86:1 Referans Kwoze

Salmos 31:2

Wiyaycamay ari. Apurä salbaycamay ari. Gam caycullay chapämaj gaga. Salbaycamay ari.

Salmos 40:17

Tayta Dios, noga pobriyasha llaquicuycajta ichanga ama gongaycamaychu. Gammi canqui yanapämaj imapitapis jorgamaj. Juclla yanapaycamay ari.

Daniel 9:18

Tayta Diosnillä ruwacur mañacushäta wiyaycamay. Sumaj ricäriy ari gamta rispitar adurana siudä imano ushacasha caycajtapis. Nogacunaga manami allillata ruraj cashpächu gamta mañacamö. Chaypa ruquenga mañacamö cuyapäcoj cashayquita musyarmi.

Mateo 5:3

«Cushishami cawanga imaypis Tayta Diosllaman yäracuycajcunaga. Paycunaga Tayta Diospa maquinchönami cawanga.

Salmos 34:6

Llaquicur gayacuptë Tayta Diosga wiyamashami. Llapan llaquicuycunapitami jorgamasha.

Santiago 2:5

Ermänucuna sumaj yarpachacuy: Tayta Diosninchëga pobricunata acrasha llapan shongunpa payman yäracunanpämi, janaj pachacho alli cawayta tarichinanpämi. Chayno yäracur Tayta Diosta cuyajcunaga mana ushacaj alli cawaytami tarenga.

Lucas 4:18

«Tayta Dios acramasha captinmi Tayta Diospa Espiritonga nogacho caycan. Nogataga cachamasha pobricunata alli willacuyta willapänäpämi; [llaquisha caycajcunata cushicachinäpämi;] prësu caycajcunata libri cananpäna willapänäpämi; gapracunatapis allchacächinäpaj; jucpa munaynincho ñacaycajcunatapis jorgunäpaj.

Isaías 66:2

Llapantapis nogami rurashcä. Chaynöpami llapanpis caycan.» Tayta Diosmi chayno nisha. «Chaypis nogaga cuyapar yanapä, pobri cajtami, llaquisha caycajtami, Noga nishäcunata manchapacur cumlejcunatami.

Isaías 37:17

Tayta Dios, mañacur ruwacushäta wiyaycamay ari. Senaquerib cachamushan mandaj suldärun imata nimashancunatapis ama gongaychu. Tayta Dios, gam cawaj Dios caycaptiquimi chayno rimar rabyachishurayqui.

Salmos 142:1

Sinchi gayacuypami Tayta Diosta mañacushcä. Callpaypa gayacurmi cuyapämänanpaj ruwacushcä.

Salmos 140:12

Noga musyämi pobritaga Tayta Dios alli arriglashanta. Llaquicuycajcunatapis yanapanmi.

Salmos 119:22

Paycuna achäquita ashipämänanpita, manacajman churamänanpita salbaycamay. Nogaga estatutuyquicunatami cumlishcä.

Salmos 102:17

Wacchacuna mañacushanta Tayta Diosga wiyanmi. Paycuna mañacushantaga manami gonganchu.

Salmos 17:6

Tayta Dios, gammanmi gayacamö imaypis mañacamuptë wiyamashayquita musyar. Ruwacushäta wiyar yanapaycamay ari.

Salmos 102:1

Tayta Dios, mañacamushäta wiyaycamuy. Quijacamushätapis wiyaycamuy ari.

Salmos 10:14

Gamga quiquiquimi ricashcanqui fiyupa mana allita rurashanta. ¡Ricasha carmi, castiganquipaj imano rurashanpitapis! Gammanmi yäracamun pïninpis mana cajcunaga. Gamllami wacchacunata yanapanqui.

Salmos 25:16

Tayta Dios, cuyapaycamay ari. Japallämi y llaquishami caycä.