Salmos 84:5 - Tayta Diosninchi Isquirbichishan

⁵ ¡Cushishami cawanga gam yanapashayqui runaga, wasiquiman chayamuyta munajcunapis!

Salmos 84:5 Referans Kwoze

2 Corintios 12:9

Ichanga pay nimaran: «Cuyashalläwan cuntintacuy. Munayniyoj cashätaga runacuna tantiyaconga quiquillanpitaga imatapis rurayta mana puydejcunata yanapaptëmi.» Chaymi quiquilläpitaga imata ruraytapis mana camäpacur cushicö. Chayno yanapämaptinmi musyacan Jesucristo munayniyoj cashan.

Zacarías 10:12

Acrashäcunataga nogami callpayojyächishaj. Nircorga nogaman yäracamushpannami aywanga. Noga Tayta Diosmi chayno në.»

Miqueas 4:2

Aypalla runami shamunanpaj shacyächinacushpan cayno ninaconga: «Aywashun-llapa, Jacobpa Tayta Diosninpa Templun caycashan jircaman wichänapaj. Chaychönami yachachimäshun imano goyänanchïpäpis. Chaynöpana pay munashanno llapantapis rurashunpaj» nir. Sionpitami Tayta Diosga yachachenga. Jerusalenpitanami parlapämonga.

Salmos 40:8

Tayta Dios, gam munashayquita rurarmi cushicö. Layniquicunatapis llapantami yarparaycä.»

Filipenses 4:13

Jesucristo yanapämaptinmi llapanchöpis alli llogshë.

Jeremías 31:33

Israelcunawanga caynömi conträtuta rurashaj: Laynëcunatami paycunapa shongunman isquirbishaj. Yarpayninmanpis churashaj. Paycunami acrashä runacuna canga, noganami Diosnin cashaj. Noga Tayta Diosmi chayno në.

Salmos 55:14

Gamwanga amïgu cashpanchïmi Tayta Diospa Wasinmanpis iwal yaycoj canchi. Gamwanga aypalla runacunachöpis iwalmi purej canchi.

Salmos 42:4

Ñaupata goyashäpaj yarpärirmi fiyupa llaquicö. Yarpä aypalla runacunawan Tayta Diospa wasinman aywashäta. Pushaptë runacunaga aywaj fistacho cushicur Tayta Diosta alabananpaj.

Jeremías 31:6

Juc junäga ricchacojcuna Efraín trïbu runacuna tiyashan jircacunapita gayacongapaj: ‹Llapayqui shamuy, Tayta Diosninchi Sioncho caycashanman aywanapaj› nir.»

Isaías 26:9

Chacaycunapapis gamllamanmi yarparaycä. Llapan shongöpami gamta ashiycä. Cay pachacho caj runacunata llapanta jusgaptiquirämi yachaconga allita rurayta.

Salmos 122:1

¡Fiyupami cushicö «Tayta Diospa Wasinman aywashun» nimaptin!

Salmos 81:1

¡Tayta Diostaga cushisha alabay! Paymi ima-aycapitapis chapämanchi. ¡Cushisha alabay Jacobpa Tayta Diosnintaga!

Isaías 45:24

Chaura chay runacunana nenga: ‹Tayta Diosman yäracuptillanchïmi alli llojshipämanchi, munayniyojpis canchi› nir. Llapanmi chiquimajcunaga fiyupa pengaycho ricaconga.

Salmos 65:5

Nogacunata salbamaj Tayta Diosnë, mañacamushäta wiyamashpayqui fiyupa allicunata rurarmi yanapaycämanqui. Gammanmi yäracamun llapan nasyuncho tiyajcuna, may caru lamarpita mas carucho tiyajcunapis.

Salmos 134:1

Tayta Diosta sirbejcunaga alabay. Llapayqui Tayta Diospa Wasincho chacaypa caycajcunaga Tayta Diosta alabay.