Salmos 83:13 - Tayta Diosninchi Isquirbichishan

¹³ Tayta Diosnillä, camacaycachiy ari chaquisha öjata wayra apacushanno ricacunanpaj.

Salmos 83:13 Referans Kwoze

Salmos 35:5

Tayta Diospa anjilnin apaptin ricacuchun rïgupa punshanta wayra apashanno.

Job 21:18

¿Imayllaga paycunata shucucuy wayra ogshata apajno machiypa machishachuraj?

Jeremías 13:24

Chayno cashayquipitami gamcunataga mashtarishayquipaj löcu wayra ogshata mashtarishanno.

Isaías 40:24

Paycunaga carcaycan lanta-mallwata chayraj lantaycushanömi, chayraj allpaman sapichaycajnömi. Paycunaman Dios pücarcamuptenga wañuytar chaquicäcunmi. Ogshata löcu wayra apacushannöllami ushacäcunpis.

Job 13:25

Wayracho tumaycaj rapranölla caycaptëga ¿imanirtaj illgächimayta munanqui? Chaquisha ogshanölla caycaptëga ¿imanirtaj gaticachaycämanqui?

Mateo 3:12

Payga jorquëtita aptaraycannami rïguta wayrananpaj. Wayrarcurnami rïgunta wasinman churanga. Punshantanami ichanga mana imaypis upej ninaman gaycurenga.»

Isaías 41:2

Llapanta binsircur alli llojshej raytaga ¿pitaj inti yagamunan caj-läpita yurichimusha? Chay rayga waquin nasyunpa raynincunatapis maquinchömi chararaycan. Paytaga maygan raycunapis manami ichipanchu. Payga raycunata sablinwan ñuchu allpamannömi rurarin. Lëchancunawanmi ogshatano wacpa-caypa machirin.

Salmos 44:4

Raynillä, Tayta Diosnillä, acrashayqui runacunataga gammi yanaparayqui binsinanpaj.

Salmos 22:1

Diosnillä, Diosnillä, ¿imanirtaj cachaycamashcanqui? ¿Imanirtaj mana salbamanquichu? ¿Imanirtaj mana wiyamanquichu llaquicur mañacaycämushäta?

Éxodo 15:7

Gamga fiyupa munayniquiwanmi contrayqui jatarejcunata usharishcanqui. Rabyacurcurmi ogshata nina ushacurcojnöpis illgarachishcanqui.

Ezequiel 35:10

« ‹Seir jirca, gam nishcanqui: «Israel nasyuncho Tayta Dios captinpis ishcan raycuna mandashanga nogapämi canga» nir.

Ezequiel 36:2

Tayta Diosga caynömi nin: Israelpa contran cajcunaga yarpaycan «para-simri cacoj puntacunaga noganchïpana» nirmi.