Salmos 78:5 - Tayta Diosninchi Isquirbichishan

⁵ Tayta Diosga layta willapar yachachiran Israelcuna wiyacunanpaj. Unay caj awilunchïcunatami willaparan wamrancunata yachachinanpaj,

Salmos 78:5 Referans Kwoze

Deuteronomio 6:7

Chaycunataga wamrayquicunata waran-waran yachachinqui. Willapar yachachinqui wasichöpis, nänicunachöpis, puñunayquipaj camaricurpis, puñushayquipita riccharpis.

Efesios 6:4

Mama-taytacunapis wamrayquicunata ama jagayächinquimanchu. Chaypa ruquenga alli shimillayquipa tantiyachinqui Jesucristo munashanno cawananpaj.

Salmos 81:5

Egiptupita shacamuptinmi Josëpita mirajcunawan Tayta Diosga chayno conträtutami ruraran. Mana rejsishä rimaycho cayno nimojtami wiyashcä:

Deuteronomio 4:45

Egiptupita llojshicamuptinmi Tayta Diosga laynincunata, mandamintuncunata yachachiran.

Isaías 38:19

Cawajcunami ichanga alabashunqui canan noga alabaycashäno. Papänincunanami wamrancunata willapan nishayquita cumlej cashayquita.

Isaías 8:20

Mä yachachicuycunata ricay. Yachachishäcunata mä yarpachacuy. Yachachishäman mana tincuptenga musyacojcuna parlashanga manami rasun cajchu. Paycunaga chacayllachömi caycan.

Deuteronomio 11:19

Wamrayquicunata willapar mana gongaypa yachachinqui wasiquicunachöpis, nänichöpis, puñunayquipaj camaricurpis, puñushayquipita jatarirpis.

Génesis 18:19

Paytaga noga acrashcä wiyacamänanpaj wamrancunata, llapan famillyancunata yachachinanpämi, alli cajllata rasun cajllata rurananpämi. Abraham chayno ruraptenga conträtu rurashäta noga cumlishämi.»

Romanos 3:2

Au, allimi. Tayta Diosninchëga conträtuta rurar Israelcunatami palabranta rimëru musyachiran.

Salmos 147:19

Israel jutiyoj Jacobtapis Paymi musyachiran yarpashancunata, laynincunata, mandamintuncunata.

Salmos 19:7

Tayta Diospa mandamintonga llapanpis allillami. Alli cawaytami tarichimanchi. Tayta Dios nishanga llapanpis cumlicanmi. Umildicunataga llapantami tantiyachimanchi.

Éxodo 40:3

Chay Toldu ruriman churanqui isquirbichishä churaraycaj babultapis. Nircur tëlata waguinqui babulta chapananpaj.

Éxodo 25:21

Babul rurinman churanqui entreganäpaj caycaj laycunata. Nircur chapananwan chaparcunqui.

Salmos 119:152

Unaypita-pachanami musyä estatutuyquicunataga. Chaytaga quiquiquimi camacächishcanqui imay-yajpis cananpaj.

Éxodo 25:16

Chay babulmanga churanquipaj entreganäpaj caycaj laycunatami.

Éxodo 40:20

Nircorga conträtuta rurar isquirbishantapis babulman churaran. Babulta wintunan gueruncunatapis arguyllancunapa päsarcachiran. Chaynöpis babultaga chapananwan chaparcuran.

Éxodo 12:27

cayno nir willapanqui: ‹Tayta Diosmi Egiptucho unay castanchi Israelcuna tiyashan wichan wañuchiran Egiptucunata. Israelcunapa wasinpita ichanga päsacuran. Chayno rurarmi noganchi castataga mana wañuchiranchu. Chaypitami cay Pascua micuytaga ruranchi Tayta Diosta rispitar› nir.» Chaura Israelcunaga rispitar gongurpashpan Tayta Diosta aduraran.

Deuteronomio 31:13

Chayrämi wamrayquicunapis yachaconga Tayta Diosta imaypis wiyacur rispitananpaj. Jordán mayuta päsarir Tayta Dios goycushunayquipaj caycaj nasyuncho tiyashpayqui imaypis chayno liguipanqui.»

Deuteronomio 32:46

niran: «Canan willapashäcunata sumaj yarpachacuy. Yachachishä laycunata cumlinanpaj wamrayquicunata willapay.