Salmos 73:8 - Tayta Diosninchi Isquirbichishan

⁸ Runacunapa washan riman. Llapan runatami cushipan. Fiyupa alli-tucushpan paycunaga pitapis mana allita rurayta munarcaycan.

Salmos 73:8 Referans Kwoze

Judas 1:16

Llutan yachachicojcunaga jamurpäcun. Imata chasquirpis manami cuntintanchu. Mana allita yarpashallantami ruran. Alli-tucur manacajcunata parlan. Yarpashancunata rurachinan-cashami alli shimillanpa runacunata engañan.

Salmos 17:10

Chiquimajcunaga quiquincuna munashallanpämi yarpachacurcaycan. Munayniyoj-tucushpan fiyu shiminpami parlarcaycanpis.

Salmos 10:2

Fiyu runacunaga alli-tucushpanmi umildicunata achäquita ashipan. Chaypis fiyucunaga quiquincunami rurashan togllallacho watacäconga.

2 Pedro 2:18

Paycunaga alabacurmi yachaj-tucur imatapis parlan. Juchancunapita chayraj arpinticojcunatami shimita gon llutancunata rurananpaj.

2 Pedro 2:10

Ñacaycächin llutan yarpashannölla cawajcunata, quiquin Tayta Diosninchïta mana wiyacojcunata. Chay llutan yachachicojcunaga shimin-atipashami rimaycan. Manami manchapacuyninpis canchu. Chaymi janaj pachacho caj munayniyojcunatapis ashllir-ushan.

Oseas 7:16

Ïdulucunata adurayman churacasha. Paycunaga carcaycan wicsu lëchano, lëcha jitaj apuntashanman mana chayajnömi. Ollgur parlashanpitami mandajnincunaga cuchuypa wañuchicanga. Egiptuchöpis paycunataga manacajman churashpanmi asipanga.

1 Samuel 13:19

Israel suldärucunaga mayganpis manami yacharanchu fyërru tacayta. Chaymi Filistea runacunaga yarparan «manami rurangachu ni jucnayllatapis sablita, cuchillucunatapis» nir.

2 Reyes 18:29

‹Ray Ezequiasga llullapaycäshunquimi. Payga manami nogapita salbashunquipächu.›

Ezequiel 35:13

Gamga jatunta-jatunta rimarmi manacajman churamarayqui. Chayno parlashpayquega nogata chiquimar washämi parlarcaycarayqui. Chaytaga llapantami noga wiyashcä.