Salmos 73:7 - Tayta Diosninchi Isquirbichishan

⁷ Mana allita rurananpaj yarpashanga cäranchömi rejsicaycan. Wera caywanmi ñawinpis ñipchicashallana caycan.

Salmos 73:7 Referans Kwoze

Jeremías 5:28

Cananga alli allita micucarcärirmi werayasha carcaycan. Mana allita ruraytaga manami jamanchu. Pïninpis mana caj wacchacunatapis manami alliga arriglanchu. Pobricunatapis manami yanapanchu.

Salmos 17:10

Chiquimajcunaga quiquincuna munashallanpämi yarpachacurcaycan. Munayniyoj-tucushpan fiyu shiminpami parlarcaycanpis.

Job 15:27

«Chay runacunapaga cäranpis werami caycan. Wera cayllawanmi pachanpis liwaraycan.

Salmos 73:12

Chaynömi Tayta Diosta mana rispitajcunaga. Mana ñacayllapami ima-aycatapis tarin.

Ezequiel 16:49

Ñañayqui Sodomapa juchanga caynömi casha: Quiquinpis caseryuncunapis fiyupa alli-tucuran. Aypalla micuynin captinmi imapitapis mana yarpachacuypa goyaran. Ichanga manami imaypis yanapashachu pobrita ni pishïpacojcunatapis.

Isaías 3:9

Juchata rurashancunaga alayrimi musyacaycan. Juchata rurashancunataga manami pacanchu. Sodoma runacunapaj mayacashannömi may-chaymanpis mayacaycächin. ¡Ay imanöraj canga paycunaga! Quiquincunallami castigasha caytapis ashircaycan.

Salmos 119:70

Mana rispitashojcunaga llutallantami yarpanpis. Nogami ichanga cushicö yachachicuyniqui nishanta cumlir.

Salmos 17:14

Munayniquiwan chapaycamay ari. Chay runacunapaga cay pachacho cajcunallami canga. Paycunata cay pachapita illgaycachiy. Jina paycunaga rïcuyarpis rïcuyäcuchun ari. Wamrancunapis sacsashancama micunanpaj cachun. Willcancunapäpis puchuy-puchuy cachun.

1 Samuel 25:36

Chaypita Abigail wasinman chayananpäga Nabal cushicur fistata ruraycänaj raynöraj. Caycaran cushisha, fiyupa machasha. Chaura imatapis mana rimaparanchu warannincama.

1 Samuel 25:2

Maón particho tiyaran fiyupa rïcu runa quimsa waranga (3,000) uyshayoj, waranga (1,000) cabrayoj. Carmel siudächönami imatapis ranticoj. Chaymanmi millwa rutuchej aywaran.

Ester 3:11

cayno nir: «Churanayquipaj caj guellayga quiquiquipaj cacuchun. Juc casta runacunataga munashayquita ruray.»