Salmos 71:9 - Tayta Diosninchi Isquirbichishan

⁹ Auquinna captëga ama gongaycamaychu. Callpaynaj captëga ama cachaycamaychu.

Salmos 71:9 Referans Kwoze

Isaías 46:4

Auquinyaptiquicunapis nogaga chaynöllami caycäshäpaj. Pasaypa soguna caycaptiquipis chaynöllami yanapaycäshayquipaj. Gamcunataga nogami rurashcä. Chaymi gamcunataga maquëcho charar ricaycäshayquipaj. Nogami yanapashpä imapitapis salbashayquipaj.

2 Timoteo 1:12

Chayno willacushäpitami canan ñacaycä. Chaypis manami pengacöchu. Noga musyämi piman yäracushätapis. Willacuptë paymi munayninwan yanapämanga shuntacamänan junajcama.

Salmos 71:18

Ama cachaycamaychu ari auquinna captëpis soguna captëpis. Nogaga mastarämi willacunä caycan munayniyoj cashayquita canan caycaj runacunata, paycunapa wamrantapis.

Salmos 90:10

Ganchis chunca (70) watayajllanami cawäcuna. Sinchinnin cajcunallami chayan pusaj chunca (80) watayojcama. Chayno cawashpäcunapis cawäcuna ñacallar, arullar. Watäcunapis manapis aycällatami päsarin. Nogacunapis chachayacäcöna.

2 Timoteo 4:18

Chaynöllami llapan mana allicunapitapis salbamanga. Nircurnami imaycamapis ñaupancho cawanäpaj pushacamanga. ¡Tayta Diosninchëga imaypis alabasha caycullächun!

Salmos 73:26

Callpäpis manami cajnönachu. Chaypis gamllami imaypis yanapaycämanqui. ¡Gamllami nogataga balurta goycämanqui!

2 Samuel 19:35

Pusaj chunca (80) watayojnami cä. Micur upurpis manami gustunta mayänachu. Mananami tantiyänachu warmi ni ollgu cantashantapis. Gamwan aywarga gastullatanachari rurashayqui.