Salmos 71:13 - Tayta Diosninchi Isquirbichishan

¹³ ¡Nogata chiquipämajcunaga quiquincuna pengayman chayachun, illgächun! ¡Noga mana alliman chayanäta munajcunataga quiquincunata mana alli chayachun!

Salmos 71:13 Referans Kwoze

Jeremías 20:11

Chaypis Tayta Dios, gamga pipis mana binsinan pillyay yachajnömi nogawan caycanqui. Gaticachämajcunaga quiquinmi mana alliman chayanga. Chaura imatapis manami ruramanganachu. Quiquincunami mana alliman chayar fiyupa pengaycho quëdanga. Chayno pengaycho ricacushantaga imaycamapis runacuna rimaycangami.

Salmos 35:26

Mana alliman chayashäpita cushicurcaycajcunaga pengaycho ricacuchun. Nogapita mas alli-tucojcunaga fiyupa pengaycho cachun.

Salmos 71:24

Mana alliman chayanäta munajcunaga fiyupa pengaypämi cananga carcaycan. Chaymi gam alli jusgaj cashayquitaga imay örapis parlaycäshaj.

Salmos 109:29

Chiquimajcunaga llapan pengaycho cachun. Pengayga ushajpaj pitucurcuchun.

Salmos 35:4

Wañuchiyta munamajcunaga pengaycho quëdachun. Mana allita ruramayta munajcunaga pengay-tucusha gueshpichun.

1 Pedro 5:5

Jipash mösupis, mayur ermänucunata wiyacuy. Chaynölla jucniqui-jucniquipis mana alli-tucuypa rispitanacuy. «Alli-tucojcunataga Tayta Diosninchi manami yanapanchu. Umildicunatami ichanga cuyapar yanapan.»

Isaías 41:11

«Chiquishojcunaga llapanmi pengaypaj manacajman churasha cangapaj. Gamcunawan pillyaj cajcunaga ushajpämi illganga.

Salmos 132:18

Chiquejnincunataga fiyupami pengacachishaj. Raytami ichanga alliman churashaj.»

Salmos 6:10

Chiquimajcunaga manchariyllawan manami ima ruraytapis camäpacongachu. Illajpitami pengay-tucusha gueshpir aywaconga.

Ester 9:2

Ray Asuero mandashan cajchöga intëruchömi Israel runacuna shuntacaran wañuchiyta munajcunawan pillyananpaj. Israelcunataga manami pipis ichiparanchu. Llapan runacunami fiyupa mancharircaycaran.

Salmos 70:3

Asipämajcunaga pengay-tucusha quëdachun.