Salmos 67:7 - Tayta Diosninchi Isquirbichishan

⁷ ¡Tayta Dios bindisyunta goycamäshun ari! ¡Cay munducho tiyajcunaga llapanpis payta alabaycuchun!

Salmos 67:7 Referans Kwoze

Salmos 22:27

Tucuy casta carpis, may nasyunpita carpis Tayta Diosmanna yäraconga. Cay pachacho tiyajcunaga llapan runacunami Tayta Diosta adurananpaj shamonga.

Isaías 45:22

«May caru allpapa cuchuncho cajpis Nogaman shamuptiquega salbashayquimi. Nogallami Diosga cä. Nogapita mas juc diosga manami canchu.

Hechos 13:26

«Abrahampita miraj Israelcunapis Tayta Diosta sirbej mana Israelcunapis wiyaycallämay. Salbacunapaj alli willacuyga llapanchïpämi chayamusha.

Salmos 65:5

Nogacunata salbamaj Tayta Diosnë, mañacamushäta wiyamashpayqui fiyupa allicunata rurarmi yanapaycämanqui. Gammanmi yäracamun llapan nasyuncho tiyajcuna, may caru lamarpita mas carucho tiyajcunapis.

Apocalipsis 15:4

¿Piraj mana manchacushunquimanchu Tayta? ¿Piraj mana alabashunquimanchu? Gamllami santo canqui. Llapantapis allita rurashayquicunata ricarmi llapan nasyun runacuna adurashunquipaj.»

Hechos 13:47

Llapan runacunata willapänäpämi Tayta Dios nimaran: «Gamcunataga churashcä llapan nasyun runacunapaj achquino canayquipämi. Chaynöpami mundu intërucho tiyajcuna salbasha cangapaj.»

Hechos 2:28

Mana ushacaj cawayta tarinäpämi ricachimanqui. Gampa ñaupayquichöga amatar cushicuyllami caycan.›

Malaquías 1:11

Mundu intërucho may-chaychöpis nogataga rispitamanmi. May-chaychöpis nogapa jutëcho insinsuta rupaycächinmi. Nogapäga alli ofrendallatami churanpis.

Salmos 29:11

Tayta Diosmi acrashan runacunataga munayninwan yanapan. Tayta Diosmi acrashancunataga bindisyunta gon jauca goyäcunanpaj.

Gálatas 3:9

Chaynömi Abrahamtaga yäracuptin Tayta Dios bindisyunta goran. Jesucristuman yäracojcunatapis Tayta Diosga bindisyuntami goycan.

Malaquías 4:2

Gamcuna, rasunpa rispitamar wiyacamajcunapämi ichanga salbacoj caynë cangapaj mana gueshyanayquicunapaj inti ratamushanno. Chaura gamcunanami cushicuypita pinticachanquipaj besëracuna wichgarashanpita llojshir pañashannöraj.

Zacarías 9:10

Nogami illgächishäpaj Efraín trïbupa pillyapaj caj carrëtancunata, Jerusalencho caj cawallucunata, pillyananpaj caycaj lëcha jitacunancunata. Shamoj rayga willacongapaj intëru nasyuncho alli goyay cananpämi. Mandangapis jatun lamarpita Cachi lamarcamami. Mandangapaj Éufrates mayupita mundupa jucaj cuchuncama.

Miqueas 5:4

Paynami marca-masincunataga Tayta Diospa munayninwan mandanga. Uyshëru uyshata michejnöpis ricanga. Chaura paycunaga allillanami goyangapaj. Chaynöga cangapaj intëru munducho paytana pï-maypis rispitaptinmi.

Isaías 52:10

Llapan nasyun runacunapa ricay ñawinchömi Tayta Diosga munayniyoj cashanta musyachisha. Chaynöpami Tayta Diosninchi salbamashanchëga intëru cay pachacho mayacanga.

Isaías 43:6

Norte caj-lä nasyun runacunatapis ‹Cutichimuy› nishämi. Sur caj-lä nasyun runacunatapis nishaj: ‹Wamräcunataga ama charicurcuychu.› Paycunataga ollguta warmitapis may carupita carpis cutichimushaj.

Salmos 98:3

Tayta Diosninchëga yarpäriranmi cuyashan Israel runacunata. ¡Mundupa jucaj cuchuncho tiyaycajcunapis musyashami Tayta Diosninchi salbamashanchïtaga!

Salmos 72:17

¡Ray alli cashanpita jutintaga imaycamapis rimaycächun! Chaynölla parlachun inti cashanpitapis mas unaycamaraj. ¡Munducho caycaj nasyuncunapis pay-raycu bindisyunta chasquichun! ¡May nasyuncho tiyajcunapis rayta «alli goyaycullay» nichun!

Salmos 33:8

Llapaniqui cay pachacho cajcunaga Tayta Diosta rispitay. Llapan runacuna cay pachacho cäga Tayta Diosta manchapacuy.

Gálatas 3:14

Chaymi Abrahamta Tayta Diosninchi aunishan bindisyonga caycan llapan mana Israel cajcunapäpis. Chaynöpami Jesucristuman yäracur llapanchi Tayta Dios aunishan Espíritu Santuta chasquicushcanchi.

Levítico 26:4

tamyatapis tamyachimushaj timpunchömi. Chacrapis, lanta yöracunapis allimi wayonga.

Isaías 30:23

Murushayqui micuyniquicuna alli wiñamunanpämi Tayta Diosga tamyachimongapaj. Chaura chacrapis rïguyquita allimi wayuchengapaj. Chay wichanga uywayquicuna micunanpäpis achcami guewa canga.

Zacarías 8:12

Alli goyaynami paycunachöga cangapaj. Übascunapis wayonga. Allpachöpis micuycuna allimi wayonga. Tamyapis tamyamongami. Acrashä runacuna cawaycar quëdajcunapäga nogami camacächishäpaj chayno paycunapaj alli cananpaj.