Salmos 66:3 - Tayta Diosninchi Isquirbichishan

³ Tayta Diospaj cantar cayno niy: «Rurashayquega llapanpis fiyupa allimi. Fiyupa munayniyoj captiquimi chiquishojcunapis mancharisha ñaupayquiman gongurpacamun.

Salmos 66:3 Referans Kwoze

Salmos 18:44

Chay runacunaga llapantami nishätapis wiyacun. Jäpa runacunapis rispitamanmi.

Salmos 65:5

Nogacunata salbamaj Tayta Diosnë, mañacamushäta wiyamashpayqui fiyupa allicunata rurarmi yanapaycämanqui. Gammanmi yäracamun llapan nasyuncho tiyajcuna, may caru lamarpita mas carucho tiyajcunapis.

Salmos 81:15

Tayta Diosta chiquejcunaga mancharishami rispitanman caran. Ichanga para-simrimi castigasha canman caran.

Salmos 47:2

Llapanpitapis mas janajcho caycaj Tayta Diosga manchacunami. Paymi mas munayniyoj ray cay munducho caycajcunapäga.

Jeremías 10:10

Tayta Diosninchïmi ichanga rasunpa Dios caycan. Paymi caycan cawaj Dios, imaycamapis mana rucaj Ray. Pay rabyacurcuptenga cay pacha sicsicyanmi. Pay rabyaptenga manami ima nasyunpis awantanchu.

Isaías 2:19

Tayta Dios chayno shamuptin runacunaga mancharishpanmi yagacaycärengapaj gagacho caycaj uchcucunaman, pacha rurinpa caycaj uchcucunamanpis. Chaynöga pacaconga manchacuypaj munayniyoj Tayta Diospitami.

Isaías 64:3

Urämushpayqui fiyupa manchariypäcunatami rurarayqui. Gam urämuptiqui puntacunapis sicsicyaranmi.

Salmos 76:12

Payga mandajcunatapis wañurachinmi. Munducho caycaj raycunatapis mancharachinmi.

Salmos 68:30

Ututucunacho tiyaj animalta piñacuy. Piñacuy röpanpa röpanpa purej fiyu törucunata, besëracunata. Manacajman churay rïcuyayllapaj wañojcunataga. Wacpa caypa mashtaypa mashtariy pillyata ashejcunataga.

Éxodo 15:21

Caynömi María cantaran: «Tayta Diosta alabar cantay munayniyoj cayninwan binsishanpita. Payga cawallucunatami, muntädu aywajcunatami lamarman garpurisha.»

Job 25:2

«Diosga fiyupa munayniyojmi, manchacunami. Paymi camacächin syëluchöpis allilla cananpaj.

Salmos 18:45

Juc-lä nasyun runacunapis manchacamanmi. Pacaraycashanpitapis sicsicyaycarmi llojshimun.

Isaías 25:3

Chaypitami chay siudächo caj munayniyoj runacunapis rispitashunquipaj. Fiyu runacunapis manchacushunquipaj.

Isaías 40:26

Syëluman ñuquircushpayqui masqui ricchacuriy: ¿Pitaj llapan chaycunata rurasha? Chaycunataga rurasha llapan estrëllacunata juc juclla camacächejmi, llapantapis jutinpa-jutinpa rejsejmi. Payga fiyupa munayniyojmi, fiyupa callpayojmi. Rurashancunaga manami jucnayllapis pishinchu.