Salmos 64:3 - Tayta Diosninchi Isquirbichishan

³ Paycuna parlashanga fïnu sabli nanächicushannörämi nanächicunpis. Paycuna parlashanga benënuyoj lëchanömi nanächicunpis.

Salmos 64:3 Referans Kwoze

Salmos 58:7

Guemarisha yacu chaquejnöpis illgacäcuchun. Näni cantuncunacho guewa chaquejnöpis illgacäcuchun.

Salmos 57:4

Nogaga runa micoj liyuncunapa chaupincho caycajnömi caycä. Liyuncunapa quiruncunanömi caycan lëchancuna, tucsicunancuna. Gallunnömi caycan afilasha sablincunaga.

Jeremías 9:3

Tayta Diosga nin: «Chay runacunaga lëchawan illapananpaj camaricusha caycajnörämi llullacunanpäga listu carcaycan. Cay nasyunchöga llapanpis llullallami; manami rasun cajtaga parlanchu. Paycunaga ‹rejsëmi› nirpis manami rejsimanchu. Waranllanta waranllantami mas piyur ricacuycan.

Proverbios 12:18

Waquin runapaga gayapashan nanayparämi chayaycun. Yachaj runacuna rimashanmi ichanga jampino cushicachin.

Salmos 11:2

Masqui fiyucunata ricäriy: Lëchancunata camaricurcaycan. Nircur lëchanta illapacunanman camacaycächin. Chutaycan pacaraycashallanpita alli runacunata illapaycunanpaj.

Isaías 54:17

Ichanga gamta illgächishunayquipaj manami pipis pillyanacunata rurashachu. Achäquita ashipäshojcunataga llapantami upällachinquipaj. Chaynömi canga nogata sirbimajcunapäga. Chaynöpami nogaga salbashaj.» Tayta Diosmi chayno nin.

Proverbios 30:14

Waquenga yargaj cashpanmi pobricunapa imantapis guechun. Chay runacunapa quironga espädanömi. Waguncunapis cuchillunömi. Chayno carmi pobricunapa imantapis ushapan.

Salmos 141:9

Fiyu runacuna mana alliman chayachimänanpaj yarpapaycämashanpita chapaycamay ari.