3 Gammi canqui pacacunä. ¡Gamga mana juchoj törrinömi chiquimajcunapita chapämanqui!
Tayta Diosga caycan mana tunej alli arusha törrinömi. Alli runacuna payman yäracojtaga imapitapis chapanmi.
Tayta Diosllami salbamajnëga. Paymi munayniyoj cayman churaman. Paymi chapacunä. Tayta Diosllami pacacunä.
Tayta Dios, gammi canqui munayniyoj Salbamaj. Pillyachöpis gammi chapämanqui.
Quiquin Tayta Diosmi nogacunataga wañuypita salbamasha. Paymi salbamanga wañuchimänanpitapis. Chaynöllami imaypis salbaycämanga
mañacushäta wiyar yanapämashanpita. Chaypitami cawashäcamaga payta mañacushaj.
Gammi canqui washämaj, pacamaj, salbamaj, Diosnë, chapämaj gaga, chapacuna escüdö, munayniyoj salbamajnë, altunnin pacacunä.
Mana allicuna chayamuptin Tayta Diosmi Wasincho pacamanga. Chaychömi washämanga. Gaga jananman churamarmi gueshpichimanga.