Salmos 6:6 - Tayta Diosninchi Isquirbichishan

⁶ Atarpis pasaypanami uticashcä. Waray waraymi amatar wagä. Jawanätapis wagaycaptillämi weguë ushmasha.

Salmos 6:6 Referans Kwoze

Salmos 69:3

Chay-jina gaparaycällar gasmashcänami. Cuncäpis nanaycannami. Tayta Diosta shuyaraycaptillänami ñawëpis chacaycanna.

Salmos 42:3

Ichanga pagasta junajtapis weguillänami micuynëpis. Chayno caycaptë imay örapis asipämashpan «¿Maytaj Diosniqui?» nir tapurcaycäman.

Salmos 38:9

Tayta Dios, imata munaycashallätapis gamga musyanquimi. Llaquicuycashäcunapis manami pacaranchu.

Lamentaciones 2:11

Wagaycaptillämi ñawëpis chacaycanna. Mayaptë pëchöpis rachicäcojnöraj caycan. Marca-masëcuna tiyashan siudä illgashata ricashcä. Chuchuycaj wamracunapis cällicunacho yargaypita wañuycajtami ricashcä. Chaymi balurnëpis manana cannachu.

Lamentaciones 1:16

«Chaypitami fiyupa wagaycä. Ñawëchöpis weguillami juntasha caycan. Nogata shogamäga manami pipis canchu. Manami canchu yanapämänanpäpis. Wamräcunataga ushajpämi illgächisha. Chiquimajcunami binsiycamashpan wañuchisha.»

Lamentaciones 1:2

Chacaycuna fiyupa llaquicushpan icchushanyajmi wagaycan. Cärancunapapis yacunörämi weguin jutuycan. «Cuyämi» nir gatirajcunaga manami maygallanpis canchu shogananpaj. Llapan yanasancuna ticraparmi chiquicarcärisha.

Job 23:2

«Cananpis jagayashallami yapay rimashaj. Tayta Dios castigamaptinmi llaquicuycä.

Job 16:20

Amïgöcunaga manacajmanmi churaman. Nogami ichanga Tayta Diosta mañacur wagä.

Job 7:3

Nogaga quillan-quillan yangallami cawashcä. Waray-waray ñacashcä.

Lucas 7:38

Chayar umpucuycur wagapaptin weguenga Jesuspa chaquinman juturan. Weguin ushmashantana ajchanwan chaquichishpan pichaparan; mucharan. Nircur apashan perfümita wiñaparan.

Jeremías 14:17

«Jeremías, llaquicushpayqui runacunata cayno niy: « ‹Cuyashä runacunaman manchariypaj disigrasya chayashanpita weguëpis mana chawaypa aywachun. Malubrashan nanaywan fiyupa gaparpaptinmi weguëpis mana chawaypa aywachun.

Salmos 88:9

Wagaycällarnami gaprayaycäpis. Tayta Dios, waran-waranmi maquëtapis chojpacur gamllaman mañacaycämö.

Salmos 39:12

«Tayta Dios, wiyaycamay ari mañacaycämushäta. Wagaycaptëga ama ricapäcamaychu. Gampäga noga cä jäpa runanöllami. Unay caj awilöcunanöpis manapis aycällatami wañucushaj.

Job 10:1

«¡Cawaytaga yamacashcänami! Chaymi wichaypa uraypana rimashaj. Llaquisha cayllawanmi imatapis rimashaj.

Salmos 30:10

Tayta Dios, wiyamashpayqui cuyapaycamay ari. Tayta Dios, yanapaycamay ari.

Salmos 88:11

¿Sepultürachöga cuyacoj cashayquita willanacunmanchuraj? ¿Wanwanyaycaj uchcuchöga alli cashayquita willanacunmanchuraj?

Salmos 115:17

Wañojcunaga usharäcunnami. Paycunaga cay pachacho mananami Tayta Diosta alabannachu.

Isaías 38:18

Pantiyuncho pamparaycajcunaga mananami pipis alabashunquinachu. Pampacojcunaga manami ricannachu aunishayquita cumliptiquipis.