Salmos 59:1 - Tayta Diosninchi Isquirbichishan

¹ Tayta Dios, chiquimajcunapita salbaycamay ari. Ñacachimajcunapita jorgaycamay ari.

Salmos 59:1 Referans Kwoze

Salmos 18:48

Chiquimajcuna fiyupa rabyasha caycajpita, mana wiyacojcuna nogapa conträ jatariptinpis Paymi salbaman. ¡Tayta Dios gammi salbamanqui fiyu runacunapita!

Salmos 57:1

Tayta Dios, cuyapaycamay ari. Gamman pacacaycämuptëga cuyapaycamay ari. Mana allicuna päsanancamami älayqui rurinman pacacuyta munä.

Isaías 33:16

Chayno cawaj cajmi alli pachacho cawanga. Chay runaga goyanga gagacho rurasha caycaj pacacunachönömi. Chay runapaga micuyninpis yacupis manami pishengachu.

Salmos 143:9

Nogaga chapämänayquipaj gammanmi yäracamö. Chiquimajcunapita salbaycamay ari Tayta Dios.

Salmos 71:4

Tayta Dios, pacaycamay ari mana alli runacunapita, wañuchicoj runacunapita, fiyu runacunapita.

Salmos 143:12

Aunishayquita cumlej cashpayqui, llapan chiquimajcunata illgarachiy. Noga sirbishojniqui caycaptëga llapan conträcunata ushacächiy ari.

Salmos 91:14

Tayta Diosmi nin: «Cuyamaj runataga nogapis salbashämi. Rejsimaj runataga nogapis pushashaj pipis mana chayananmanmi.

Salmos 20:1

Tayta Dios, yanapaycushunqui ari ñacaycashayqui öra. Jacob rispitashan Dios washaycushunqui ari.

Salmos 12:5

Tayta Diosga caynömi nin: «Pobricunata, wacchacunata, ñacachishpan munashanta ruraycächin. Chaypitami cananga salbashaj yanapänäpaj shuyaycämajcunataga.»

Salmos 58:1

Munayniyojcuna, ¿rasunpachu alli cajta rurarcaycanqui? ¿Allichu arreglaycanqui runacunata?