Salmos 57:2 - Tayta Diosninchi Isquirbichishan

² Syëlucho caycaj Tayta Dios imaypis yanapämaptiquimi gamta mañacamö.

Salmos 57:2 Referans Kwoze

Salmos 138:8

Tayta Dios gamga cumlinquipämi nogapaj yarpashayquita. Tayta Dios, cuyacoj cayniquega imay-yajpis chaynöllami. Chaymi camashayqui caycaptëga ama cachaycamaychu ari.

Filipenses 1:6

Noga musyämi Jesucristuta chasquicushayquipita-pacha Tayta Diosninchi imaypis yanapaycäshushayquita. Chaynöllami yanapaycäshunquipaj Jesucristo cay pachaman cutimunancama.

Isaías 26:12

Tayta Dios, gammi nogacunataga alli goyänäpaj yanapaycämanqui. Gammi camacaycächinqui llapan rurashäcunatapis.

Filipenses 2:12

Cuyashä ermänucuna, chayno caycaptenga gamcunawan caycar yachachishäcunata wiyacushayquinölla canan carucho caycaptëpis mas wiyacamay. Salbashana cashayqui musyacänanpäga llapan shonguyquiwan Tayta Diosta manchapacur, rispitar caway-llapa.

Isaías 57:15

Janajcho tiyaj, imaycamapis cawaj, Santo Tayta Diosmi cayno nin: «Nogaga tiyä rispitädu janaj pachachömi. Ichanga umildicunawanpis llaquicuycajcunawanpis iwalmi caycä. Paycunatanami yanapar shacyächë.

Salmos 56:2

Chiquimajcunaga imay örapis gaticachaycämanmi. Alli-tucojcunaga achcajmi magarcaycäman.

Salmos 17:8

Ñawi-ñïñuyquitanöpis cuydaycamay. Älayqui rurinman pacaycamay

Salmos 41:5

Chiquimajcunaga fiyupami munan mana alliman chayanäta. Chaymi «¿imayraj wañonga gongacänanpaj?» nircaycan.

Salmos 143:9

Nogaga chapämänayquipaj gammanmi yäracamö. Chiquimajcunapita salbaycamay ari Tayta Dios.

Isaías 26:20

Marca-masëcuna wasiquiman yaycur puncuyquita wichgacarcäramuy. Tayta Dios rabyasha caycashanpita allchacänancama rätullapis pacacuycuy-llapa.