Salmos 5:9 - Tayta Diosninchi Isquirbichishan

⁹ Fiyu runacunaga manami imaypis rasun cajtaga rimanchu. Shongunchöpis mana alli yarpaycunallami. Shiminpis sepultüra quicharishanömi caycan. Alli-tucullarmi parlan.

Salmos 5:9 Referans Kwoze

Romanos 3:13

Shiminpis sepultüranömi quicharaycan. Imaypis llullacuycanllami. Parlashancunapis caycan culebrapa benënunno.

Salmos 62:4

Gamcunaga mana alliman chayachimayllatami yarpanqui. Llullacorga mishquillami parlanqui. Janan shongullami alli parlapämanqui; shonguyquicho ichanga chiquiycämanqui. Selah

Miqueas 6:12

Cay siudächo caj rïcucunaga llapanpis ñacachicojcunallami. Llapanpis llullacunallami caycan.

Proverbios 29:5

Imaypis amïgunta alabajcuna rasunpaga mana alliman chayachinallanpämi alaban.

Salmos 51:6

Chaypis gamga cuyanqui rasun cajta rimaj cajtami. Shongullächömi yachachimashcanqui yachaj canäpaj.

Lucas 11:44

«¡Ay imanöraj canqui fariseucuna! Runa wañusha pamparaycaj mana musyacajnömi carcaycanqui. Chay pamparaycashan jananpa pipis purej cäga ganrami caycan. Chay pamparashan jananpa mana musyar pipis purishannömi fiyu runa cashayquita mana musyanchu.»

Salmos 52:2

Mana allicunata rurayllatami yarparaycanqui. Washa-rima cashpayquimi pï-maytapis llullapar goyanqui.

Jeremías 17:9

«Runapa shongonga fiyupa mana tantiyaypämi. ¿Piraj tantiyanman llullapar engañaycashanta? ¿Piraj musyanman mana allita rurayta yarpaycashanta?

Jeremías 4:14

Chaura noganami nishäpaj: ‹Jerusalén runacuna jucha rurashayquicunapita arpinticuy. Chaynöparämi salbacunquipaj. ¿Imaycamaraj jucha rurayllapaj yarparcaycanqui?› nir.

Salmos 64:6

mana alli rurashancunata pipis mana taripänantami. ¡Runacuna yarpashanga tantiyaytapis mana atipaypämi!

Salmos 62:9

Runacunaga ricayllanmi caycan. Llullacuynöpis yangallami caycan. Llapanta jucllacharcur balansacho pësaptin manami ni aycapis lasanmanchu.

1 Tesalonicenses 2:5

Musyashayquinöpis gamcuna chasquicamänayqui casha manami imaypis manacajcunata nishcächu. Manami imaypis yarpashcächu pipa guellaynintapis engañayllapa jorguyta. Chayno cashätaga Diosninchi musyanmi.

Lucas 11:39

Chayta musyar Jesús niran: «Gamcunaga pusillutawan lätupapis janallanta mayllar rurintaga mana mayllajnömi carcaycanqui. Chaymi pusillupa, lätupa rurincho ganra cashannöpis mana allita yarparcaycanqui, fiyu, yargaj cashpayqui.

Esdras 8:21

Ahava mayu cantuncho carcaycashächo ayunanäcunapaj nirä. Nirä Tayta Diosta rispitar mañacunäcunapaj Jerusalenman cutimuptëcuna nogacunata, famillyäcunata allilla chayachimänanpaj yan'gämänanpaj, cösäcunatapis allilla chayachinäpaj yanapämänanpaj.

Salmos 27:11

Tayta Dios, alli näniquita ricachimay. Chiquimajcuna ricapaycämaptin alli cajpa pushamay.

Salmos 69:19

Gamga musyanquimi ufindimashanta, pengacachimashanta, manacajman churamar ñacachimashanta. Gam musyaycanquimi chiquimajcuna pï cashantapis.

Isaías 26:7

Tayta Dios gammi camacächinqui wiyacushoj runa allilla purinanpaj.