Salmos 5:4 - Tayta Diosninchi Isquirbichishan

⁴ Tayta Dios, runacuna mana allita ruraptin gamga manami cushicunquichu. Juchasapacunaga manami ñaupayquimanpis chayangapächu.

Salmos 5:4 Referans Kwoze

Salmos 11:5

Tayta Diosga ricaycanmi juchaynajtapis juchasapatapis. Fiyupami chiquin fiyu runacunatawan wañuchicojcunataga.

Hebreos 12:14

Llapanwanpis allilla ricanacunqui. Tayta Diosninchi munashallanta ruranqui. Man'chäga pipis manami Tayta Diospa ñaupanman chayangachu.

Malaquías 2:17

Tayta Diosga gamcunata wiyashuyta yamacashanami caycan. Chaypis nircaycanquiraj: «¿Imatataj nishcä wiyayta yamacänanpäga?» nir. Gamcunaga nishcanqui: «Tayta Diosga allimi rican mana allita rurajcunatapis. Chayno ruraptinpis payga allimi rican» nir. Chaynöpis asipashpayquimi gamcunaga nircaycanqui «¿Maytaj alli arriglaj Tayta Dios?» nir.

Salmos 140:13

Alli runacunaga alabashunquipämi. Munashayquino rurajcunaga ñaupayquichömi cawanga.

Salmos 50:21

Chayno llapanta ruraptiquipis upällami cacushcä. ¿Gamnölla cashätachu yarpashcanqui? Chayno rurashayquipitaga piñacushayquimi. Llapanpitami jusgashayqui.

Apocalipsis 21:27

Chaychöga caycanga Cashni uyshapa libro de bïdancho jutincunata apuntasha cajcunallami. Chaychöga manami cangachu juchasapacuna, pengaypaj llutanta rurajcuna ni llullacojcunapis.

Habacuc 1:13

Gamga limyu juchaynaj cashpayquimi mana alli ruraycunataga mana munanquichu. Runa-masinta ñacaycächejtaga manami ricapaycanquimanchu. Chayno caycarga ¿imanirtaj mana rimapayllapaga ricapaycanqui chay wañuchicojcunata? ¿Imanirtaj upällalla cacunqui chay fiyu runacuna alli runacunata illgaycächiptinpis?

Salmos 92:15

Paycunami willaconga chapämajnë Tayta Dios alli cashanta, llapantapis rasun cajllata rurashanta.

2 Pedro 3:13

Noganchïtami ichanga aunimashanchïno Tayta Diosninchi shuyaraycächimanchi mushoj syëluta, mushoj pachatapis. Chaychöga Tayta Diosninchi munashannöllanami llapanpis allilla cangapaj.

Salmos 101:7

Jagata mana pägacojcunaga manami palasyöcho tiyangachu. Pï llullapis ñaupächöga manami cangapächu.

Salmos 94:20

Mana alli arriglaj juezcunapa amïgonga ama canquimanchu. Paycunaga mana allimi arriglan. Laynincunacho niycashanwanmi runacunata ñacachin.

Apocalipsis 21:23

Chay siudäta quiquin Tayta Dios y Cashni uysha achicyapaptinmi intipis ni quillapis mana canganachu.

Juan 14:23

Chaura Jesús niran: «Cuyamaj cäga llapan willapashätami wiyacun. Paytaga Taytäpis cuyanmi. Chaymi Taytäwan nogaga imaycamapis chaylla cashaj; imano cashätapis musyachishaj.

1 Crónicas 29:17

Nogaga musyaycämi imano runa yarpaycashantapis gam musyaycashayquita. Allita ruraptin gamga cushicunquimi. Chaymi allita rurayta yarpar caycunataga gampaj goycushcä. Cananga ricashcä acrashayqui Israel runacuna cayman shuntacaycur gampaj goycushanta. Chayta ricarmi fiyupa cushicö.

Salmos 63:2

Rispitädu Wasiquiman aywayta munä munayniquiwan rurashayquita ricanäpämi; gam imanöpis cashayquita ricanäpämi.

Salmos 88:14

Tayta Dios nogataga ¿imanirtaj manacajman churamanqui? ¿Imanirtaj nogapitaga pacacunqui?