Salmos 48:11 - Tayta Diosninchi Isquirbichishan

¹¹ Sión lömachöga, Judá siudäcunachöga cushicun allita rurashayquipitami.

Salmos 48:11 Referans Kwoze

Salmos 97:8

Tayta Dios, alli jusgashayquipitami Judá particho caycaj siudäcunawan Sionga fiyupa cushicun.

Apocalipsis 18:20

Syëlucho cajcuna, fiyupa cushicuy. Tayta Diospa apostulnincuna, profëtancuna, llapan yäracojcunapis cushicuy. Gamcunata ñacachishushayquipitami Tayta Dios chay siudäta ushacächisha.

Apocalipsis 15:4

¿Piraj mana manchacushunquimanchu Tayta? ¿Piraj mana alabashunquimanchu? Gamllami santo canqui. Llapantapis allita rurashayquicunata ricarmi llapan nasyun runacuna adurashunquipaj.»

Lucas 23:28

Wagar aywaycaj warmicunata Jesús niran: «Jerusalén warmicuna, nogapäga ama wagaychu. Chaypa ruquenga wamrayquicuna quiquiquicuna ñacanayquipaj caycajpita wagay.

Zacarías 9:9

«¡Fiyupa cushicuy Sión lömacho caycaj siudä! ¡Cushicuypita cantay Jerusalén siudä! Gamcunamanga allillata ruraj, llapanta binsej, umildi rayniquimi aywaycämun bürrullan muntasha. Cargacuna bürrupa wawan muntashami aywaycämun.

Isaías 37:22

« ‹Noga Tayta Diosga Asiriapa rayninpaj caynömi në: « ‹Senaquerib, gampäga Sión siudä juc jipashnömi asicun. Gam aywacuptiqui Jerusalenga manacajman churashushpayquimi umanta awicun.

Cantares 5:16

Rimacuyninpis maysi wiyacuyllami. Payga maysi cuyacuyllami. Jerusalén jipashcuna, chaynömi cuyashä runaga, chaynömi yanasäga.

Cantares 3:5

Munti lluychucuna-raycu, tarushcuna-raycu aunimay ari Jerusalén jipashcuna cuyaynë puñucuycajta mana ricchachinayquipaj. Puñucuchun puñuyta sacsashanyaj.

Cantares 2:7

Munti lluychucuna-raycu, tarushcuna-raycu aunimay ari Jerusalén jipashcuna cuyaynë puñucuycajta mana ricchachinayquipaj. Puñucuchun puñuyta sacsashanyaj.

Cantares 1:5

Jerusalén jipashcuna yanalla carpis cuyayllapämi cä. Cedar runacunapa tolduncunano oguimi cä. Salomonpa cuartuncho chaparaj tëlacunano cuyayllapämi cä.

Salmos 58:10

Tayta Diosta wiyacojcunaga cushicongami chiquejcunata wañushata ricashpan. ¡Chaquincunatapis fiyucunapa yawarninwanrämi mayllanga!

Jueces 5:31

«Tayta Dios, chiquishoj cäga llapanpis chaynölla ushacächun. Gamta cuyashoj cajcuna ichanga inti cuyayllapaj achicyashanno cachun.» Chaypitaga chuscu chunca (40) watayaj chay Israel nasyuncho jauca goyaylla caran.

Malaquías 1:11

Mundu intërucho may-chaychöpis nogataga rispitamanmi. May-chaychöpis nogapa jutëcho insinsuta rupaycächinmi. Nogapäga alli ofrendallatami churanpis.