Salmos 46:3 - Tayta Diosninchi Isquirbichishan

³ lamar yacu gaparar wac-läman cay-läman pullchajyaptinpis, lamar pullchajyaptin jircacuna sicsicyaptinpis. Selah

Salmos 46:3 Referans Kwoze

Jeremías 5:22

Noga Tayta Diosmi cayno në: ¿Gamcunaga manachu imanillarpis manchacamanqui? ¿Manachu ñaupächöga sicsicyanqui? Lamar cantucho agush caycajtapis nogami churashcä lindata. Chaymi chaypita mastaga lamar yacupis mana päsamunnachu. Wayrawan ruyrucarcur-ruyrucarcur gaparar shamurpis chay jananpaga manami päsamunnachu.

Nahúm 1:5

Payta ricashpanga puntacunapis sicsicyan. Paypa ñaupanchöga puntacunapis jurucäcunmi. Payta ricashpanga intëru cay mundumi mancharin. Cay pachapis, cay pachacho tiyajcunapis llaquicun.

Miqueas 1:4

Pay lluchcashan cäga puntacunapis chullucäconga ninaman sërata churaycuptin chullucäcojnömi. Guechwa pampacunapis aypalla yacu aywar ragrarishannömi ragracäconga.

Apocalipsis 16:20

Llapan lamar chaupin tishgucunapis, jircacunapis ushacaran.

Mateo 7:25

Wasita rurayta usharcuptin fiyupa tamyaptin aypalla yacu aywaptinpis, löcu wayrapis manami juchuchishachu gaga janancho sumaj simintunwan jatarachisha captin.

Isaías 5:3

Chacrapa duyñunnami nin: «Jerusalén runacuna Judá runacuna canan mä nimay. ¿Mayganëtaj mana allita rurashcä? ¿Übasnëchu? ¿Nogachu?

Salmos 18:4

Wañuyga janächönami ricacuran. Juchuno janächöna captin fiyupa mancharirä.

Job 38:11

Nircur nishcä: ‹Caycamallami chayamunqui. Caypita mastaga mananami wichanquipänachu. Wayra apamushuptiqui bötiypa-bötishayquipis cayllachömi quëdanqui.›

Apocalipsis 17:15

Chaypitanami anjil nimaran: «Mañösa warmi jamaraycashan cajcho caycaj yacoga tincun may-chay marca runacunamanmi, may-chay nasyun runacunamanmi, tucuy rimayta rimaj runacunamanmi.

Jeremías 4:24

Puntacunata ricäriptë cuyuriycashami. Puytush lömacunapis cuyuriycällarmi juchur ushacaycasha.

1 Reyes 19:11

Chaura Tayta Diosga niran: «Jawaman llojshiy. Nircur quiquin puntaman aywarcur ñaupächo ichiy.» Chaycho Tayta Dios päsaran. Chaymi fiyupa wayra gallaycur rumicunatapis shillirgärachiran; puntacunatapis rachirgärachiran. Ichanga chay wayracho Tayta Dios manami caranchu. Wayra chawarcuptin timlurna caran. Timlurchöpis Tayta Diosga manami caranchu.

Isaías 54:10

Puntacuna juc-läman witicuriptinpis, jircacuna gotucäcuptinpis, gamta cuyaytaga manami cachaycushayquipächu. Ni alli conträtuta rurashanchïpitapis manami cutiricushächu.» Cuyapäshoj Tayta Diosmi chayno nin.