Salmos 45:3 - Tayta Diosninchi Isquirbichishan

³ Jinyu ray, sabliquita chegllayquiman jaticuy. Tayta ray, chaywanga achicyaypa achicyar sumajmi camaranqui.

Salmos 45:3 Referans Kwoze

Hebreos 4:12

Tayta Diospa palabranga fiyupa munayniyojmi. Cawajmi. Ishcan-läpa afilasha sablipitapis mas fïnumi. Runapa shonguncamami chayan. Tulluncunatapis päsarir togshuncamami chayan. Runa imata yarpashallantapis, imata munashallantapis taripanmi. Llap-llapantami musyacächin.

Apocalipsis 1:16

Derëchu caj maquinchömi chararaycaran ganchis goyllarcunata. Shiminpitanami ishcan lädunpa afilasha sabli llojshimuran. Cärannami intino fiyupa achicyaycaran.

Apocalipsis 19:15

Llapan nasyuncunata castigananpämi afilasha sabli shiminpita llojshimuran. Chaywanmi llutanta ruraj runacunata fiyupa rabyar mana cuyapaypa castiganga. Übasta gapchishannömi runacunata castiganga llapanpaj munayniyoj Tayta Diosta rabyachishanpita.

Isaías 49:2

Rimashäcuna fiyupa afilasha sablino cananpämi camacächisha. Maquinwanmi ima-aycapitapis chapamasha. Fiyupa llauchi lëchamannömi ticrachimasha. Nircorga lëchata purichicunanmanmi wiñamasha.

Salmos 96:6

¡Pay caycashanchöga fiyupa achicyajmi! ¡Pay tiyashan cajchöga munayninpis caycanmi!

Salmos 21:5

Yanapashayquipitami pï-maypis rejsin. Yanapashayquipitami rispitädupis caycan.

Apocalipsis 19:21

Waräcuypa suldäruncunatanami yuraj cawalluta muntaraycäga wañuchiran shiminpita llojshimoj sabliwan. Chay wañojcunapa aychantanami aycha micoj äbicuna sacsanancama micuran.

Judas 1:25

Pay japallanmi salbamajninchi caycan. Tayta Diosninchi alabasha cachun llapanpaj munayniyoj cashanpita. Alabasha caycullächun cananpis, imaycamapis. Amén.

Hebreos 8:1

Cay parlaycashanchïta tantiyacur cushicunchi. Canan caj mandaj cüranchi Jesusga syëluman cuticur Tayta Diospa derëchu caj-lädunman aywaycurmi jamaraycan.

Hebreos 1:3

Wamranmi musyachimanchi Tayta Dios imano munayniyoj cashantapis. Wamranta rejserga quiquin Tayta Diostapis rejsinchïmi. Llapan camashancunatapis munaynincho Wamran chararaptinmi canancamapis caycanraj. Wamranga llapan juchanchïcunata perdunamänanchïpämi cruscho wañurcur syëluman cutiran. Chaychönami cananga Tayta Diospa derëchu caj-läduncho jamaraycan.

Romanos 14:9

Jesucristoga cawajcunatapis wañushacunatapis maquincho chararänanpämi wañushanpita cawarimusha.

Salmos 145:12

Munayniyoj cashayquita, fiyupa achicyaypa-achicyaycaj munayniqui cashantapis runacunata musyachenga.

Salmos 145:5

Munayniyoj achicyaypa achicyaj cashayquita willaconga. Nogapis willacushaj fiyupa almiraypajcunata rurashayquicunata.

Salmos 104:1

Llapan shongöpami Tayta Diosta alabashaj. Tayta Diosnillä gamga fiyupa munayniyojmi canqui. Gamga achicyaypa achicyaycaj röpashami caycanqui.

Hechos 10:36

Tayta Diosga Israel runacunaman willacuyninta chayachiran. Chay alli willacuyninta Jesucristuwanmi willacachiran runacuna paywan allina cananpaj. Jesucristoga llapanpa mandajninmi caycan.

Jueces 3:16

Manaraj apar Aodga sablita ruracuran ishcan-läpa fïnuyojta. Sablipa tamäñun caran pullan metruno. Sablitaga derëchu caj-lädun chegllanman jaticurcuran röpan rurinpa.

Job 1:16

Chay runa manaraj willayta ushaptin jucpis chayamur Jobta willaran: «Räyu ratamuptin nina ratarirmi rupacurcusha uyshërucunatawan uyshayquicunatapis. Nogallami gueshpimushcä willanäpaj.»

Salmos 21:7

Rayga Tayta Diosmanmi yäracun. Tayta Dios cuyacoj captin payman yäracun. Chaymi imaypis mana allimanga mana chayangachu.

Cantares 2:3

Munti chaupincho mansäna yöra wayuraycajnömi cuyaynëga waquin runacunapa chaupincho caycan. Llantuyninman jamaycorga fiyupami cushicö. Wayuyninpis fiyupa mishquejmi.

Cantares 5:13

Cärancunaga shanshaypa-shanshaycan wertacunacho alli asyaj waytacuna caycajnömi. Shimi wirpancunapis caycan rösa wayta pashtaraycajnömi, chay jananpa mïrra perfümi jutuycajnöraj.