7 Gam yanapämaptiquimi conträcunata binsishcä. Gammi pengayman churashcanqui chiquimajcunataga.
Tayta Dios, gammi canqui munayniyoj Salbamaj. Pillyachöpis gammi chapämanqui.
Paymi salbamanchi chiquimajninchïcunapita. Pay cuyacoj cashanga imaycamapis chaynöllami.
Chiquejnincunataga fiyupami pengacachishaj. Raytami ichanga alliman churashaj.»
Moisesta yanapashänömi gamtapis mana cachaypa yanapäshayqui. Chaymi cawashayquicamaga mana pipis binsishunquicunapächu.
Gammi camacächinqui raycuna jucta binsinanpaj. Sirbishojniqui Davidtapis Gammi salbarayqui sabliwan wañunanpita.
Paycunaga fiyupami mancharenga mana mancharinanpaj caycashanchöpis. Tayta Diosta chiquejcunataga binsir tulluncunataga wacpa caypami mashtarachenga. Paycunaga pengaychömi cangapaj Tayta Dios jitariptin.
Wañuchimayta munajcunaga pengay-tucushpan umpuycachächun. Mana allita rurayta munamajcunaga pengay-tucusha gueshpichun.
Camarishcä juc pachata acrashä Israel runacunapäpis. Quiquinpachöna tiyananpaj churashcä. Chaychöga manami pipis rimapangachu. Fiyu runacunapis manami ñaupatanöga ñacachengachu.
Llapanmi musyanga. Tayta Diosga manami lansawanrächu ni sabliwanräpischu salban. Tayta Diospa jutinchömi pillyaycäcuna. Paymi nogacunapa munaynëman gamcunataga cachaycushunqui.»
Chaypis Tayta Diosga mandaj juezta churaran yanapänanpaj. Mandaj jueznin cawashancamaga llapan chiquejcunapitami washaran. Tayta Diosmi paycunata cuyaparan fiyupa ñacar llaquicuptin.
Chaymi Josuëta Tayta Dios niran: «Chay runacunata ama manchacuychu. Wara cayno öra ñaupayquichömi wañusha caycangapaj. Cawalluncunapa ancuncunatapis cuchurgärinqui. Pillyapaj caj carrëtancunatapis rupaycachinqui.»
Chayno ushacächinanpaj Israel runacuna yäracushan Tayta Dios yanapaptinmi pachacarashanman mana cutiyllapa llapan chay runacunata ushacächiran.
Judá nasyun cajtami ichanga cuyapäshaj. Quiquëmi salbashaj. Nogaga salbashaj manami guërrawanchu, lëchawanchu, sabliwanchu, cawallucunawanchu, ni cawalluta muntacuy yachajcunawanpischu.»