13 Pï-maypis ashllimänanpämi cachaycamashcanqui. Bisïnöcunami achäquita ashipämashpan pengacachiman.
Nogacunataga cachaycamashcanquimi bisïnöcuna manacajman churamar cushipämänanpaj, chiquimajcunapis asipämänanpaj.
Cananga bisïnöcunapis asipäman. Lädöcho caycajcunapis jamurpäman.
Moab runacuna, gamcunaga Israelcunata asipajmi canqui. Asipashpayquimi suwatanöpis manacajman churaj canqui.
Paycunata castigaptë cay pachacho caj llapan nasyun runacunami mancharenga. Garguptë canga willapapämi, pï-maypitapis asipashami. May-chaychöpis maldisyunädumi goyanga.
Tayta Dios, chiquishojcunaga asipaycämanmi. Imay örapis gayaparcaycämanmi gam acrashayquicunataga.
Pï-maypis chaypa päsajcunaga munashantami suwapan. Läduncho tiyajcunapis asipan.
Chayno Tayta Dios maymanpis apachishushayquichöga canquipaj mana alli ricasha, pï-maypitapis chiquisha, rimashallami.
Tayta Diosga caynömi nin: «Uywayno canayquipaj juc-lä nasyunman gamcunata prësu apashuptiqui manami ima pägatapis chasquishcächu. Chaymi canan gamcunata jorgamushpäpis mana ni imatapis pägashächu.