Salmos 44:11 - Tayta Diosninchi Isquirbichishan

¹¹ Nogacunataga gastupaj caj uyshano canäpänami cachaycamashcanqui. Machiypa machir gargaramashcanqui mana rispitashoj runacunaman.

Salmos 44:11 Referans Kwoze

Deuteronomio 4:27

Chaymi Tayta Diosga juc-lä nasyuncunaman machiypa-machir gargushunquipaj. Chaura chayashayqui nasyunchöga wallcajllanami cawaycar quëdanquipaj.

Romanos 8:36

Chay ñacaycunapitami Tayta Diospa palabranchöpis cayno nin: «Gamman yäracamuptëmi imay örapis wañuchiyta munarcaycäman. Pishtananpaj caycaj uyshatanömi nogacunataga ricaycäman.»

Deuteronomio 28:64

Tayta Diosga llapan nasyunmanmi mashtaypa mashtar gargushunquipaj. Chay nasyuncunachöga juccuna adurashan guerupita rumipita rurasha ïdulucunatami aduranquipaj. Chaycunataga gampis ni unay awiluyquicunapis manami rejsishachu.

Ezequiel 34:12

Uyshëru imanömi yarpachacun uyshancuna mashtacasha captin, chaynömi nogapis yarpachacushaj uyshäcunapäga. Chacaypa löcu wayra captin mashtacar maypa aywasha captinpis nogaga shuntamushämi.

Lucas 21:24

Waquintami sabliwan wañuchenga. Waquintanami caru nasyuncunaman prësu apanga. Mana Israel runacunanami Jerusalentaga munaynincho cachengapaj Tayta Dios nishan cumlinancama.

Jeremías 32:37

Chaypis fiyupa rabyar intëru nasyunman gargushä Israelcunata llapantami shuntashaj. Cutichimushaj pipis imatapis mana rimapaptin allillana goyäcunanpämi.

Jeremías 12:3

Tayta Dios, gamga nogata rejsimanquimi. Ricamashpayqui musyanquimi gamllaman yäracamushäta. Chay runacunataga uyshata pishtananpaj apashanno shuntay ari. Nircur churay imay junaj wañunanpäpis.

Salmos 106:27

Juraran paycunapita mirajcunapis wañunanpaj, juc-lä nasyuncunaman gargurinanpäpis.

Salmos 60:1

Tayta Dios, rabyashpayquimi gongaycamashpayqui jitarimarayqui. ¡Cananga yapayna yanapaycamay ari!

Salmos 14:4

Fiyu runacunaga manami imatapis tantiyannachu. Cuyashä runacunataga tantata micojnömi ushacarcärin. Tayta Diostaga manami manchacunnachu.

2 Reyes 17:6

Samaria siudäta binsiycur chayman yaycuptinmi ray Oseasga isgun wata ray caycaran. Nircurmi Salmanasarga Israel runacunata prësu charishpan Asiria nasyunman suldäruncunawan aparan. Asiriaman chayaycurmi Halah marcaman y Gozancho caycaj Habor mayu läduncho caycaj marcacunaman churaran chaycho tiyananpaj. Media runacunapa siudänincunamanpis churaran chaycho tiyananpaj.

Jueces 2:14

Chaypitami Tayta Diosga Israelcunapaj fiyupa rabyaran. Chaymi camacächiran suwacuna yaycuycur imancunatapis apacunanpaj. Läduncunacho tiyaj, chiquej runacuna yaycuycur magaptinpis paycunaga mananami ichiparannachu.