2 Imapitapis chapämaj Diosnë, ¿imanirtaj ñaupayquipita gargamashcanqui? ¿Imanirtaj llaquisha purëman? ¿Imanirtaj chiquimajcunapis ñacaycächiman?
Imapitapis chapämaj Tayta Diosnë, ¿imanirtaj gongaycamashcanqui? ¿Imanirtaj chiquimajcuna ñacachimaptin llaquishaga purëman?
Tayta Diosmi fiyupa munayniyoj chapämäga. Paymanmi llapan shongöpa yäracö. Paymi yanapäman. Chaypitami fiyupa cushisha goyä. Chaymi Tayta Diosta agradësicur alabashaj.
Ermänucuna, Jesucristo fiyupa munayniyoj car yanapäshushayquiwan sumaj callpachacuy ari.
Tayta Diosman yäracojcunami ichanga alli callpallancho caycangapaj. Chaymi anca buylaycajno aywangapaj. Cörrirpis manami uticangapächu. Caruta aywarpis manami bëtangapächu.
Tayta Diosga manami cachaycongachu acrashan runacunata. Sirbejnincunata japallantaga manami cachaycongachu.
Canan ichanga ñïgamashcanquina. Pengaychönami cachaycamashcanqui. Suldäröcunatapis manami yanapanquinachu.
Acrashäcunataga nogami callpayojyächishaj. Nircorga nogaman yäracamushpannami aywanga. Noga Tayta Diosmi chayno në.»
Chaura chay runacunana nenga: ‹Tayta Diosman yäracuptillanchïmi alli llojshipämanchi, munayniyojpis canchi› nir. Llapanmi chiquimajcunaga fiyupa pengaycho ricaconga.
Tayta Dios, gammi canqui munayniyoj Salbamaj. Pillyachöpis gammi chapämanqui.
«Tayta Diosga ¿chaynöllachuraj rabyasha caycanga? ¿Mananachuraj yapayga alli ricamäshun?
Auquinna captëga ama gongaycamaychu. Callpaynaj captëga ama cachaycamaychu.
«Salomón, gamga rispitashä Tayta Diosta rispitar sirbinqui llapan shonguyquiwan, llapan callpayquiwan. Tayta Diosga musyanmi imata yarpaycashayquitapis. Gam payman yäracuptiquega yanapäshunquipämi. Payta gongaycuptiquimi ichanga paypis cachaycushunquipaj para-simrina.
Tayta Diosmi imapitapis chapämaj, salbamaj. Chaymi payllapaj cantä. Payta alabä Diosnë captinmi. Payta adurä unay caj famillyäcunapapis Diosnin captinmi.
Jesucristo yanapämaptinmi llapanchöpis alli llogshë.
Gammi canqui imapitapis chapämaj. Togllacho caycajta salbaycamay.
Tullöcunata paquiycajnömi chiquimajcunaga imay örapis asiparcaycäman «¿Maytaj Diosniqui?» nir.
Wamra cashäpita-pachami nogaga fiyupa llaquicullar goyashcä. Wañuyllami tumapämasha. Fiyupa manchariypajcunawanmi ñacachimashcanqui.