Salmos 4:3 - Tayta Diosninchi Isquirbichishan

³ Tantiyacuy-llapa, Tayta Diosga mandamintunta cumlejcunallatami cuyan. Tayta Diosga mañacuptë wiyamanmi.

Salmos 4:3 Referans Kwoze

Juan 15:16

«Manami gamcunachu nogata acramashcanqui. Chaypa ruquenga nogami gamcunataga acrarä maypa aywarpis übas alli wayushanno allita rurar cawanayquipaj. Chaymi jutëcho mañacuptiqui Taytäga yanapäshunquipaj.

Salmos 34:15

Alli runacunataga Tayta Dios allimi rican. Mañacushancunatapis wiyanmi.

2 Pedro 2:9

Chaynöpami musyanchi yäracojcunataga Tayta Diosninchi salbashanta. Juchasapacunatami ichanga ñacaycächin. Y fisyu junajpis ñacayman gaycurenga.

2 Timoteo 2:19

Chaypis Tayta Diosninchïpa alli willacuynenga wasipaj simintuta alli jatarachishanömi caycan. Chaymi palabrancho cayno isquirbiraycan: «Yäracojcunataga Tayta Dios rejsinmi» nir. Yapaypis nin: «Tayta Diosman yäracojcunaga ama juchata rurachunnachu» nir.

Tito 2:14

Jesucristoga llapan jucha ruraycunapita jorgamänanchïpämi noganchi-raycu wañuran. Chaynöpis perdunamashpanchïmi shuntamashcanchi cuyashan wamrancunana car pay munashanta rurar goyänanchïpaj.

1 Pedro 2:9

Gamcunami ichanga canqui Tayta Dios acracushan, sirbej cürancuna, payllapaj raquicushan nasyun runacuna, quiquin Tayta Diospa marcan runacuna. Paymi jucha ruraypitaga chacaypita-japuy achicyajmanno jorgamashcanchi. Chaymi Tayta Diosninchi almiraypajcunata rurashanta willacunayquipaj carcaycanqui.

Éxodo 33:16

Gam mana yan'gämaptiquega ¿imanöpataj musyashaj nogacunata yanapaycämashayquita? Mana yan'gämaptiquega waquin marca runacunanöllachari cashaj.»

Salmos 6:8

¡Lädöpitapis witicuyna mana allita rurajcuna! Tayta Diosga wiyashanami fiyupa wagashäta.

Efesios 2:10

Noganchïtaga Tayta Diosninchïmi mushoj cawayta gomashcanchi. Jesucristu-raycumi pay noganchïta camamashcanchi allita rurar cawananchïpaj. Chayno cawananchïpäga unaypitanami distinamashcanchi.

Salmos 50:5

Chaymi syëluta y cay pachata nin: «Mana cachaypa wiyacamajcunataga shuntamuy. Uywancunata sacrifisyupaj pishtashpan nogawan conträtuta rurajcunatapis shuntamuy.»

Salmos 31:23

Tayta Diosman mana cachaypa yäracojcunaga payta cuyay. Chayno runacunataga Tayta Dios allimi rican. Alli-tucojcunatami ichanga imanöpis cashanpita castigan.

Salmos 56:9

Yanapämänayquipaj mañacamuptë chiquimajcuna pillyaj shaycämushanchöpis cuticongami. Rasunpami musyä faburnë caycashayquita.

Salmos 49:3

Yarpachacuycurmi rimamushaj. Yarpachacunapaj cajcunatami parlamushaj.

Salmos 62:10

Mana allita rurashayquicunamanga ama yäracuychu. ¡Runapa ima-aycantapis guechushpayqui ama alabacuychu! Rïcuyashpayqui guellayniquimanga ama yäracuychu.