Salmos 39:12 - Tayta Diosninchi Isquirbichishan

¹² «Tayta Dios, wiyaycamay ari mañacaycämushäta. Wagaycaptëga ama ricapäcamaychu. Gampäga noga cä jäpa runanöllami. Unay caj awilöcunanöpis manapis aycällatami wañucushaj.

Salmos 39:12 Referans Kwoze

1 Pedro 2:11

Ermänucuna, cay pachachöga gorpanöllami carcaycanqui. Chaymi cuyay-munaypaj caway-llapa. Llutan yarpashayquicunataga ama ruraychu ari shonguyqui may-jina munaptinpis.

Hebreos 11:13

Chay runacunaga gorpay-tucullarmi cay pachacho goyaran. Chacraynaj-japuymi puriran. Tayta Dios aunishan partiman mana chayaranchu. Chaypa ruquenga carullapitami ricaran. Chaypis paycunaga cushicur sumaj yäracuran. Ichanga aunishanta manaraj chasquir wañucuran.

Salmos 119:19

Cay pachachöga gorpallami caycä. Nogataga mandamintuyquicunata yachaycachimay ari.

Levítico 25:23

«Chacraga nogapami. Gamcunaga gorpanöllami päsacojllami chacracho tiyarcaycanqui. Chaymi rantejpa maquinchöga yupasha watalla canga.

Génesis 47:9

Chaura Jacobga niran: «Pachac quimsa chuncan (130) watayojnami caycä tayta. Juc-lächo juc-lächo purir wallcallatami cawashcä; ñacallarmi goyashcä. Ichanga chachäcuna cawashan wataman manami chayärächu.»

1 Pedro 1:17

Gamcuna «taytä» nishayqui Tayta Diosga llapantami iwal rican. Payga llapan runatami jusganga imanöpis cawashanman-tupu. Chayno caycaptenga cay pachacho cawashayquicama Tayta Diosta rispitar caway.

Salmos 56:8

Ayca cuti gueshpishallätapis gamga musyaycanquimi. Ayca cuti wagashallätapis gamga ricamashcanquimi. Chaycunataga gammi libruyquicho apuntaraycächinqui.

1 Crónicas 29:15

Gampa ñaupayquicho nogacuna cä caminanti jäpa runanöllami. Chaynöllami casha unay caj awilöcunapis. Nogacunaga cay pachacho cawä rätullami. Manami pipapis bïdanga rantishachu.

2 Reyes 20:5

«Cutiycur acrashä marcapa mandajnin ray Ezequiasta ninqui: ‹Unay famillyayqui David sirbishan Tayta Diosga caynömi nin: Noga wiyashcämi mañacamashayquita. Ricashcämi wagashayquitapis. Chaymi allchacächishayqui. Cananpita quimsa junajtami aywanquipaj Templöman.

Hebreos 5:7

Jesucristoga cay munducho goyaycashpan wagayparaj, gayacuyparämi ruwacuran. Wañuypita salbacoj Tayta Diosta mañacuran «Yanapaycallämay munashayquino llapanpis camacaycunanpaj» nir. Tayta Dios nishanta ruraj captinmi mañacushanta wiyaran.

Salmos 116:3

Wañuyga pasaypanami tumapaycämaran. Chaymi wañuytaga manchacurä. Fiyupami llaquicurä.

Job 16:20

Amïgöcunaga manacajmanmi churaman. Nogami ichanga Tayta Diosta mañacur wagä.

2 Samuel 16:12

Capaschari Tayta Dios fiyupa llaquicuycajta ricamarga canan ashllimaptinpis bindisyunta gomanga.»

2 Corintios 5:6

Chaymi llapan shongunchïpa yäracunchi. Ichanga musyanchïmi cay cuerpunchïwan caycashanchïcamaga syëlucho Tayta Dios caycashanpita carullachöraj caycashanchïta.

Salmos 102:1

Tayta Dios, mañacamushäta wiyaycamuy. Quijacamushätapis wiyaycamuy ari.

Salmos 119:54

Cay pachachöga gorpallami tiyä. Layniquicuna alli cashantami willacushaj.

Génesis 21:34

Abrahamga achca watami tiyaran Filistea runacuna tiyarcaycashancho.

Job 13:28

Imapis ismur ushacaycajnömi ushacaycä. Röpata puyu ushashannömi caycä.

Salmos 90:9

Rabyacurcuptiquega nogacuna usharaycämi. Jämayta cacharcuynöllami watäcunapis päsacurin.