Salmos 34:2 - Tayta Diosninchi Isquirbichishan

² Tayta Diospitami fiyupa cushisha caycä. Umildi runacunapis wiyashpayqui cushicuy.

Salmos 34:2 Referans Kwoze

Jeremías 9:24

Ichanga pipis cushicuchun nogata rejsimashanpita, nishäta rurashanpita, Noga Dios cashäta musyashanpita. Cushicuchun cay pachacho pï-maytapis cuyashäta, allita rurashäta, rasun cajta rurashäta musyashanpita. Chayno caj runami ichanga nogata cushicachiman.» Tayta Diosmi chayno nisha.

1 Corintios 1:31

Tayta Diosninchïpa palabranchöpis cayno niycan: «Pipis cushicorga Tayta Diosninchi llapanta camacächishanpitami cushicunman.»

Salmos 119:74

Gamta rispitashojcunaga ricamashpan cushicongami. Nogaga palabrayqui niycashanmanmi yäracö.

Salmos 44:8

Imaypis gamtaga alabaycäshayquimi Tayta Dios. Imaypis agradësicuycäshayquimi. Selah

2 Corintios 10:17

Chaynöpis pipis alabacuyta munarga Tayta Diosnillanchïta alabachun.

Isaías 45:25

Noga yanapaynëpami Israelcunaga alliman chayanga. Chaymi yanapashäpita cushiconga.»

Salmos 105:3

Rispitädu cashanpita cushicuy. Tayta Diosta ashejcunaga cushisha cay-llapa.

Salmos 142:7

Carsilcho caycajno caycashäpita jorgaycamay. Cayno llaquicuycashäpita jorgaycamay gamta alabanäpaj. Chaypitaga alli runacuna cushicushpanmi nogawan goturpanga.

Job 1:21

Chaymi niran: «Cay pachachöga yurishcä jina röpaynajllami. Chaynöllami cay pachapitapis aywacushaj. Tayta Diosmi llapantapis tarichimaran. Paymi llapantapis guechumasha. ¡Tayta Diosga fiyupa alabasha cachun!»