Salmos 34:12 - Tayta Diosninchi Isquirbichishan

¹² Gamga ¿unaycama cawaytachu munanqui? ¿Cushisha goyaytachu munanqui?

Salmos 34:12 Referans Kwoze

Deuteronomio 30:20

Tayta Diosninchïta cuyar pay nishancunata wiyacuy. Payta wiyacorga allimi cawanquipaj. Chaynöpami unay awiluyqui Abrahamta, Isaacta, Jacobta, Tayta Dios aunishan nasyuncho unaycama cawanquipaj.»

Deuteronomio 6:2

Tayta Diosta rispitar willapashä mandamintucunatawan laycunata imaypis cumlishpayquega gamcunapis, wamrayquicunapis willcayquicunapis auquinyashayquiyaj allimi cawanquicunapaj.

Eclesiastés 3:13

Chaynöpis nogaga musyämi chay-jina ñacar arur tarishanchïcunata micunanchïpaj upunanchïpaj Tayta Dios tarichimashanchïta.

Salmos 91:16

Unaycamami cawachishaj. Noga salbacoj cashäta musyachishaj.»

Salmos 4:6

Achcajmi nircaycan: «¿Piraj alli cawayta tarichimäshun?» nir. ¡Tayta Dios, alli ñawillayquipa nogacunaman ricäramuy ari!

Job 7:7

«Yarpaycuy ari Tayta Dios, bïdäga jämay cachaynöllami. Mananami imaypis cushishaga goyashänachu.

Eclesiastés 12:13

Chayllatanami rimashcä. Mananami mas yachachinäpaj cannachu. Tayta Diosta rispitar mandamintuncunata cumliy. Runacunaga chaypämi cay pachacho cawan.

Eclesiastés 2:3

Chaypitaga upyaytana camarä. Tucuyta ruraytana munarä. Chaycunataga llapantapis alli yarpaynëchömi rurarä musyanalläpaj. Pasaypaga manami pirdicarächu. Cay pachacho wallca wata cawashan wichan runa imanöpa alli cawashantapis musyayta munarä.

Salmos 21:4

Cawananpaj mañacamushuptiqui yanapashcanqui. Achca wata cawananpämi bindisyunta goshcanqui.

Génesis 49:2

«Wamräcuna, witimuy-llapa. Nishäta wiyacuy-llapa.

1 Samuel 12:23

Noga ichanga gamcunapaj Tayta Diosta mañacuycäshaj. Mana mañacorga juchayojmi cashaj. Imano captinpis willapäshayqui alli cawanayquipaj.

Job 33:33

Imapis cutichimänayquipaj mana captenga upällalla wiyamay. Nogami yachachishayqui imano yachaj caytapis.»

Proverbios 4:20

Ïju, willapashäcunataga sumaj wiyacuy. Willapashäcunataga mana gongaypa yarparay.

Proverbios 7:24

Ïju, chaymi sumaj wiyacamay. Willapashäcunataga llapanta sumaj tantiyacuy.

Proverbios 9:10

Rasunpa yachaj canapäga Tayta Diostami rimëruga rispitaypaj. Santo Tayta Diosta rejsejcunaga fiyupa yarpayniyojmi.