Salmos 28:2 - Tayta Diosninchi Isquirbichishan

² Mañacamuptë yanapaycamay ari. Rispitädu tiyanayquiman maquëta jogarir mañacamuptë wiyaycamay ari.

Salmos 28:2 Referans Kwoze

Salmos 138:2

Rispitädu Templuyqui caj-läman ricärirmi gongurpacushaj rasun cajta ruraj cashayquipita, cuyacoj cashayquipita agradësicunäpaj. Gamga llapanpita mas munayniyoj cashayquitami musyachishcanqui. Aunishayquitapis cumlishcanquimi.

Salmos 141:2

Mañacamushäga gam cajman chayamuchun insinsuno. Maquëta jogariraycämushäna cachun tardipa apamushä ofrendano.

1 Timoteo 2:8

Shuntacashanchöga ollgu runacuna mana piwanpis rabyachinacusha car, mana nanaparänacorga maquinta jogarcur alli shongunpa Tayta Diosta mañacuchun.

Salmos 140:6

Tayta Diostami ruwacushcä: «Gammi canqui Diosnë. Mañacamushäta wiyamay ari» nir.

Salmos 134:2

Maquiquita rispitädu wasin cajman jogarcur Tayta Diosta alabay.

Salmos 5:7

Nogami ichanga gam cuyacoj cayniquipa Wasiquimanpis yaycö. Rispitädu Templuyquichöpis gongurpacuycur gamta adurä.

Daniel 6:10

Mushoj layman ray firmashanta musyaycur Danielga wasinman aywacuran. Nircur puñunan cuartupa bentänacunata quicharan. Chay bentänacunaga caycaran Jerusalenman ricaraj. Nircur gongurpacuran Tayta Diosta mañacunanpaj, alabananpaj. Chaynöga cada junaj ruraj quimsa cutimi.

Lamentaciones 2:19

Chacaycunapapis jatarcur waray-waray gaparay. Llapan llaquicuycashayquipita Tayta Diosta willapay, wagapay. Mañacushpayqui maquiquitapis chojpacuy. Ruwacuy yargaypita wamrayquicuna mana wañunanpaj. Micunanpaj imapis mana captinmi wamrayquicunaga cällicunachöpis wañurcaycan.

Salmos 143:6

Gam cajmanmi macyaraycämö. Gamtaga shuyaraycä chaqui allpa yacunaycajnömi. Selah

Salmos 125:5

Mana wiyacojcunata ichanga fiyu runacunatawan iwal castigay. ¡Israelchöga alli goyay caycullächun!

Salmos 63:4

Cawashäyäga alabaycäshayquimi. Mañacushpäpis gamllamanmi maquëta jogarimushaj.

2 Crónicas 6:13

Salomonga runsipita rurachisha caran juc chacrancata. Largun caran ishcay metru cuarta masnin; anchunpis ishcay metru cuarta masnin; altuyninna juc metru cuarta jëmin. Chayta rurarcachir churachiran sawan pampaman. Llapan Israel runacuna ricapaycaptin wicharan runsi chacrancaman. Nircur gongurpacuran. Maquinta janajpa jogarcur

1 Reyes 8:38

wiyaycunqui ari pï mañacamushuptiquipis. Llapan Israelcuna mañacushuptiquipis wiyaycunqui ari. Pasaypa mana allicho caycashanta tantiyacurir cay Templuman ricärir mañacamuptenga wiyaycunqui ari. Gam wiyaycunqui ari syëlupita-pacha. Juchancunatapis perdunaycunqui. Gamllami musyanqui runacuna yarpashantaga. Chaymi paycunataga cada-ünunta imanöpis rurashanman-tupu tarichinqui.

1 Reyes 6:19

Salomonga Templu ruricho ruraran Mas Rispitädu cuartuta Tayta Diospa babulninta churananpaj.

1 Reyes 6:5

Templuman guellichiyllapa intëru wajtan tumarejpapis cuartucunata ruraran.

Salmos 130:2

Tayta Dios, mañacaycämushätaga wiyaycamay ari. Ruwacaycämushätaga sumaj wiyaycamay.

Salmos 141:1

Gamtami gayacaycämö Tayta Dios. Juclla shaycamuy yanapämänayquipaj ari. Mañacamuptë wiyaycamay ari.

Daniel 6:11

Chay öra contran runacunaga Danielta tariran Diosninta alabaycajta, rispitar mañacuycajta.