1 Tayta Dios, gamllami canqui gaganöpis chapämaj. Gamllatami ruwacur mañacaycämö. Ama caychu mana wiyaj-tucuypaga. Mana yanapämaptiquega wañusha japuynami ricacushaj.
Tayta Dios, juclla yanapaycamay ari. Jämaynëpis ushacaycannachaj. Ama cachaycamaychu. Cachaycamaptiquega wañojcunanönachari cashaj.
Gammi canqui washämaj, pacamaj, salbamaj, Diosnë, chapämaj gaga, chapacuna escüdö, munayniyoj salbamajnë, altunnin pacacunä.
Alli runacunataga illajpita illgarachishun, gueshya charir imanömi illajpita wañurachin, chayno.
Tayta Dios, ¡ama upällallaga cacuychu! ¡Mana cuyucuypa, mana rimacuypaga ama cacuychu!
Wanwanyaycaj pachaman jitarpur wichgarcuran pitapis mana engañananpaj. Puncuta wichgarcur sëllurcuran. Waranga watata cumlircuptinnami rätullana libri cachayconga puripärinanpaj.
Imaypis Tayta Diosllaman yäracuy-llapa. Payga mana ushacaj gaganömi.
Chaypa ruquenga wañunäpitami salbamasha. Chaymi achicyaj pachataraj ricaycä› nir.
Pantiyuncho pamparaycajcunaga mananami pipis alabashunquinachu. Pampacojcunaga manami ricannachu aunishayquita cumliptiquipis.
Tayta Dios, gamga musyanquimi imano cashantapis. Upällallaga ama cacuychu. Nogata ichanga ama gongaycamaychu.
Noga wañuptë ¿imataraj gänanqui? Wañushanaga manami alabashunquinachu. Ni alli cashayquitapis mananami willaconganachu.
Tayta Diosnillä, goyay-goyay mañacamuptëpis manami yanapämanquichu. Pagaspapis manami jamaytapis tarënachu.
Gaparayparämi Tayta Diostaga mañacö yanapämänanpaj. Chaura rispitädu Sionpita wiyamushpanmi yanapäman. Selah
Tayta Diostami sinchi gaparaypa mañacö pay wiyamänanpaj.
¡Jorgaycamay ari bötiypa-bötir aywaycaj yacupita! ¡Tumariycaj yacu ruriman yaycaycächimajpita jorgaycamay ari!
Raynë, Tayta Diosnë, ruwacaycämushäta wiyaycullay. Gamtachaj mañacaycämö ari.
Sinchi gayacuypami Tayta Diosta mañacushcä. Callpaypa gayacurmi cuyapämänanpaj ruwacushcä.
«Tayta Dios, wiyaycamay ari mañacaycämushäta. Wagaycaptëga ama ricapäcamaychu. Gampäga noga cä jäpa runanöllami. Unay caj awilöcunanöpis manapis aycällatami wañucushaj.
Imapitapis chapämaj Tayta Diosnë, ¿imanirtaj gongaycamashcanqui? ¿Imanirtaj chiquimajcuna ñacachimaptin llaquishaga purëman?
Tayta Dios munashanno goyaycajcunaga paypaj cantar alabay. Juchaynaj Tayta Diosta alabay.
Paymanmi quijacuycä. Paytami musyaycächë imapita llaquicuycashätapis.