8 Shongömi shacyächiman «Tayta Diosman yäracuy» nir. Chaymi nogaga gamllaman yäracamö.
Munayniyoj Tayta Diosninchïman guellicuy. Paywan tincunayquipaj ashiy.
Llapan shongöpami gam munashayquino goyashcä. Aunimashayquino alli ricamay ari.
Chayno alli car-rämi cawanan Tayta Diosta sirbiyta munajcunaga, Jacobpa Diosninpa ñaupancho goyayta munajcunaga. Selah
«Nircur cuticushaj tiyanämanmi. Chaycho cacushaj paycuna juchayoj cashanta reconösinancama, ashimaj shamunancama. Fiyupa llaquicuycho caycashan örami ashimanga.»
Noga manami pacayllapaga parlächu. Ni chacaj pachacunachöpis manami parlächu. Jacobpita mirajcunata nogaga manami nishcächu: ‹Imapis mana cashancunacho ashimay› nir. Noga Tayta Diosga rasun cajllatami parlä. Alli cajllatami musyachë.
David ray caycashan wichan fiyupa muchuy caran quimsa wata intëru. Chaymi Davidga Tayta Diosta tapucuran. Tayta Diosna niran: «Fiyupa muchuy cananpäga Saulmi, famillyancunami juchayoj. Paycunami Gabaón runacunata wañuchisha.»
Chaypis acrashä runacuna llaquicushpan ruwacur mañacamuptin, jucha ruraynincunata cachaycuptenga, syëlucho caycashäpita wiyashäpämi. Juchancunapitapis perdunashämi. Chauraga llapanpis yapay allillanami goyangapaj.
Tayta Dios paycunaga llaquicushpan gamtami ashishurayqui. Castigaptiqui paycunaga mañacushurayqui.
Willaycuptin Mariaga jinan öra aywaran Jesuswan tincunanpaj.