Salmos 27:5 - Tayta Diosninchi Isquirbichishan

⁵ Mana allicuna chayamuptin Tayta Diosmi Wasincho pacamanga. Chaychömi washämanga. Gaga jananman churamarmi gueshpichimanga.

Salmos 27:5 Referans Kwoze

Proverbios 18:10

Tayta Diosga caycan mana tunej alli arusha törrinömi. Alli runacuna payman yäracojtaga imapitapis chapanmi.

Salmos 31:20

Paycunataga gammi ñaupancho car salbanqui fiyu runacunapita. Gammi Wasiquiman pacashpayqui washanqui washa-rimacunapita.

Salmos 138:7

Ima mana allimanpis chayaptë Tayta Dios gammi yanapämanqui. Munayniyoj cashayquita musyachishpayquimi chiquimajcunapitaga salbamanqui.

Salmos 91:1

Janajcho caycaj Tayta Diospa maquincho goyaycaj runataga Munayniyoj Tayta Dios chapanga.

Salmos 119:114

Gammi canqui washämaj, chapämaj. Gampa palabrayquimanmi yäracö.

Salmos 50:15

Ñacaycho caycashayqui öraga mañacamay. Nogami jorgushayquipaj. Gamnami agradësicamashpayqui alabamanquipaj.»

Salmos 40:2

Mitu sinigaman jaticänäpitami jorgamaran. Wanwanyaycaj uchcupitami salbamasha. Rumi jananman ichichimaran. Allinnin pachaman churamaran.

Colosenses 3:3

Juchayquicunapita Jesucristo wañusha captinmi gamcuna jucha ruraypitaga wañushanöna carcaycanqui. Tayta Diosnami Jesucristupa maquincho puriycächimanchi.

Salmos 17:8

Ñawi-ñïñuyquitanöpis cuydaycamay. Älayqui rurinman pacaycamay

Salmos 46:1

Diosmi imapitapis pacamajninchëga. Ñacaycashanchi örapis juclla yanapämanchi.

Isaías 26:20

Marca-masëcuna wasiquiman yaycur puncuyquita wichgacarcäramuy. Tayta Dios rabyasha caycashanpita allchacänancama rätullapis pacacuycuy-llapa.

Salmos 91:15

Gayacamaptenga yanapäshämi. Sasa goyaycunachöpis quiquëmi paywan caycäshaj. Llaquicuycunapitapis jorgushämi. Nircurnami rispitädu cananpaj churashaj.

Salmos 57:1

Tayta Dios, cuyapaycamay ari. Gamman pacacaycämuptëga cuyapaycamay ari. Mana allicuna päsanancamami älayqui rurinman pacacuyta munä.

Isaías 32:2

Raypis mandäshejcunapis cada-ünun cangapaj wayra chayananta chapajno, löcu wayrapita pacacunano, chaqui jircacunata pargunapaj sicyano, chaqui jircacho jatuncaray gagapa llantuyninno.

Salmos 61:2

Callpaynajnönami caycä. Chaymi cay pachapa juc cuchunpita-pacha gayacaycämö. Salbacunäpaj altunnin gagaman pushamay.

Salmos 18:33

Paymi chaquïtapis bïbuyächin lluychupatanöraj. Paymi altu jircacunachöpis mana manchacuypa goyächiman.

Salmos 83:3

Acrashayqui runacunata mana allita rurananpämi parlacurcaycan.

Salmos 77:2

Llaquisha caycashä öra Tayta Diosta mañacö. Chacaycuna mañacushpä mana jamaypami maquëcunata jogarirä. Chayno mañacuptëpis manami cushicachimannachu.

Isaías 26:16

Tayta Dios paycunaga llaquicushpan gamtami ashishurayqui. Castigaptiqui paycunaga mañacushurayqui.

Salmos 10:1

Tayta Dios ¿imanirtaj carullacho cacunqui? ¿Imanirtaj pacacunqui llaquicuycuna cashan öra?

Mateo 23:37

«¡Ay imanöraj canqui Jerusalén! Tayta Diosga profëtancunata cachamuran. Paycunatami wañuchishcanqui. Waquintaga sajmar-ushashcanqui. Jerusalén, achca cutimi wamrayquicunata shuntayta munarä wallpa chipshancunata älan rurinman shuntashannöpis. Ichanga manami munashcanquichu.

2 Crónicas 22:12

Joasga paycunawan Tayta Diospa Templuncho sojta wata pacararan. Chaycama Judächöga Ataliami mandaycaran.

Salmos 31:21

Alabasha cachun Tayta Diosga. Paymi cuyapäcoj cashpan yanapämasha fiyupa ñacaycho caycashä öra.

Salmos 40:3

Tayta Diosmi yarpayta gomaran mushoj alabansata cantanäpaj. Imano päsamashantapis musyaycur runacunaga fiyupa almiraran. Chaynöpami Tayta Diosmanna yäracuran.

Salmos 61:3

Gammi canqui pacacunä. ¡Gamga mana juchoj törrinömi chiquimajcunapita chapämanqui!