Salmos 27:13 - Tayta Diosninchi Isquirbichishan

¹³ Chaypis alli cashpayquimi gamga yanapämanquipaj. Cay pachacho goyashäcamaga yanapämanquipämi.

Salmos 27:13 Referans Kwoze

Salmos 142:5

Gamtami mañacamö Tayta Dios. Mañacamushpämi cayno në: «Gammi canqui pacacunä. Gamllami cay bïdachöga cawachimanqui» nir.

2 Corintios 4:16

Chaymi mana yamacächu. Auquinyarpis mana yamacaypa imaypis willacuycä. Auquinyaptëpis Tayta Diosmi yanapäman waran-waran payman mas yäracunäpaj.

Salmos 56:3

Tayta Dios, manchacushpäga gammanmi yäracamö.

Salmos 31:19

Rispitashojcunapäga allitami ruranqui. Chay allicunatami paycunapäga goritano shuyaraycächinqui. Chaycunataga waquin runacuna ricananpärämi gamman yäracamojcunata tarichinqui.

Salmos 56:13

Gamga salbamashcanqui wañunäpitami. Mana alliman chayanäpitapis jorgamashcanquimi gam nimashayquita cumlir cawanäpaj. Chaynöpami achicyajchöno ñaupayquicho goyäshaj.

Salmos 42:5

¿Imapänataj yarpachacöman? ¿Imapänataj llaquicöman? Tayta Diosmanmi yäracuycä. Payllatami alabashäpis. Paymi Salbamaj Diosnëga.

2 Corintios 4:1

Tayta Dios cuyapämashpanmi nogacunataga churamasha alli willacuyninta willacunäpaj. Chaymi nogaga mana guellanächu.

Job 28:13

Runaga manami musyanchu chaycuna alli cashantapis. Cay pachachöga manami tarinpischu.

Efesios 2:8

Tayta Diosninchi cuyapäcoj carmi Jesucristuman yäracuptiqui salbashurayqui. Manami imatapis rurashcanquichu salbasha canayquipaj. Chaypa ruquenga quiquin Tayta Diosninchi munarmi salbashurayqui.

Jeremías 11:19

Uyshata pishtananpaj apaptin mana wagacushanno jaucami goyäcuycarä. Nogaga manami musyarächu conträ parlacurcaycashanta. Paycunaga ninacurcaycaran: «Alli wayuraycaj yörata muturiycärishun. Cay munducho manana cananpaj achurishun. Chaura paytaga manami pipis yarpanganachu.»

Ezequiel 26:20

Chaymi unay wañojcuna caycashanman tallpucar chayanquipaj. Cay pachapitaga mas rurimanmi jitarishayqui. Chayga caycan imaypis ragälla caycashan nasyunmi. Chaychöga goyanquipaj wañojcunawan iwalmi. Gamchöga manami imaypis runacuna tiyangapänachu. Cay pachacho cawajcunaga tiyananpaj yapay manami jatarachishunquipänachu.

Isaías 38:19

Cawajcunami ichanga alabashunqui canan noga alabaycashäno. Papänincunanami wamrancunata willapan nishayquita cumlej cashayquita.

Job 33:30

Wañunanpita salban. Nircur camacächin achicyaj pachata ricaycänanpaj.

Isaías 38:11

Nogaga nirä: ‹Cay pachachöga mananachari imaypis Tayta Diosta ricashänachu. Cay pachacho cawaycajcunataga mananachari pitapis ricärishänachu› nir.

Salmos 52:5

Chaypitami Diospis quiquiquita illgächishunquipaj. Charircurmi wasiquipita jitarishunquipaj. Mananami cawanquipänachu. Selah

Salmos 142:6

Wiyaycamay ari gaparaypa mañacamushäta. Balurnë manami cannachu. Gaticachämajcunapitaga pacaycamay ari. Paycunaga nogapita mas callpayojmi.