Salmos 27:11 - Tayta Diosninchi Isquirbichishan

¹¹ Tayta Dios, alli näniquita ricachimay. Chiquimajcuna ricapaycämaptin alli cajpa pushamay.

Salmos 27:11 Referans Kwoze

Salmos 5:8

Tayta Dios, allillapa pushamay ari alli shongu cashayquimanno. Man'chäga chiquimajcunami mana allita ruramanga. Munashayquino cawanäpaj yanapaycamay ari.

Salmos 86:11

Tayta Dios, sumaj tantiyachimay gamta wiyacunäpaj. Chauraga mana cachaypami sirbishayqui. Shacyächimay llapan shongöpa gamllata aduranäpaj.

Salmos 26:12

Chaquëga manami imaypis llutanmanga lluchcangachu. Nogaga mana cachaycuypa alli nänillapami puriycä. Tayta Diostaga acrashan runacunapa ñaupanchömi alabashaj.

Salmos 119:10

Nogaga llapan shongöpami gamman yäracamö. Ama camacaycachiychu mandamintuyquicunapita pantacänätaga.

Salmos 64:6

mana alli rurashancunata pipis mana taripänantami. ¡Runacuna yarpashanga tantiyaytapis mana atipaypämi!

Isaías 35:8

Chunyaj chaqui jirca cashan chaupinpana näni caycangapaj. Chay nänipa jutinmi canga «Rispitädu näni». Juchanpita manaraj limyu cäga manami chaypa aywangapächu. Mana tantiyaj upacunaga manami chaypa aywangachu.

Jeremías 20:10

Runacunaga manacajman churamarmi shap-shapyayllapa rimar «¡Intërupami fiyupa manchariypaj caycan!» nin. Chaynöpis ninacun: «Llapanchi shuntacäshun calumyanapaj» nir. Amïgöcunapis munarcaycan imanöllapapis mana alliman chayanätami. Paycuna nin: «Imanöllaparaj riguichir rimaycachishwan. Chauraga binsishunmi, ayñita cutichishunmi» nir.

Salmos 25:9

Umildicunataga tantiyachinmi. Allillata rurananpämi yachachin.

Lucas 20:20

Chaymi Jesusta autoridäman prësu apachinan cashalla runacunata cacharan alli shimillanpa parlapar llutanta rimachinanpaj.

Proverbios 8:9

Yachachishäga fäsi yachacuymi yarpaysapacunapäwan tantiyacojcunapäga. Chaycunaga manami llutanchu.

Salmos 25:12

Tayta Diosga payta rispitaj runata quiquinmi yachachin imano cawananpäpis.

Proverbios 15:19

Guellacunapäga caminunpis casha shata juntashami caycan. Alli runapämi ichanga caminunpis limyu alli puricuy caycan.

Salmos 54:5

Gammi camacächinquipaj chiquimajcuna mana allita ruramashan quiquincunaman chayananpaj. Tayta Dios, chiquimajcunataga illgarachiy ari.

Salmos 5:9

Fiyu runacunaga manami imaypis rasun cajtaga rimanchu. Shongunchöpis mana alli yarpaycunallami. Shiminpis sepultüra quicharishanömi caycan. Alli-tucullarmi parlan.

Salmos 139:24

Rurashäcuna mana alli captenga tantiyachimay ari. Nircur yachachimay gam munashayquino cawanäpaj.