Salmos 25:3 - Tayta Diosninchi Isquirbichishan

³ Gamman yäracamoj cäga ama pipis pengaychöga cachunchu. Pengaychöga cachun mana ashipaycaptiqui contrayqui jatarejcuna.

Salmos 25:3 Referans Kwoze

Lamentaciones 3:25

Tayta Diosga fiyupa allimi payman yäracojcunapäga llapan shongunpa payman yäracuyta ashejcunapäga.

Isaías 40:31

Tayta Diosman yäracojcunami ichanga alli callpallancho caycangapaj. Chaymi anca buylaycajno aywangapaj. Cörrirpis manami uticangapächu. Caruta aywarpis manami bëtangapächu.

Isaías 49:23

Raycunami wamrachacushunquipaj. Raypa jipash wamrancunanami uywashunquipaj. Paycunaga rispitashushpayquimi gongurpaconga. Chaquiquiman ñuchu allpa lagacajtapis lajwangami. Chaymi musyanquipaj noga Tayta Dios cashäta. Musyanquipaj nogaman yäracamoj cäga mana pengaycho ricacushanta.»

Miqueas 7:7

Nogami ichanga Tayta Diosllata shuyäcuycäshaj. Salbamaj Tayta Diosnilläman yäracushaj. Payga wiyamangami.

Salmos 62:5

Tayta Diosllami alli goyächiman. Payllamanmi nogaga yäracö.

Salmos 27:14

Tayta Diosman yäracuy. Mana guellanayllapa yäracuy. Tayta Diosllaman yäracuy ari.

Romanos 8:25

Shuyarashanchïta manaraj chasquirmi ichanga imano ñacarpis shuyaraycänanchi.

Salmos 37:34

Gamga Tayta Diosllaman yäracuy. Payllata wiyacuy. Paymi alliman chayachishunquipaj. Aunishushayqui alli pachatapis goycushunquipaj. Ñawiquiwanmi ricanquipaj fiyu runacunata illgächejtapis.

Salmos 33:20

Noganchëga Tayta Diosmanmi yäracunchi. Paymi yanapämanchi, chapämanchi.

Salmos 123:2

Patrunninman uyway ricarajnömi, uyway warmi patrönanman ricarajnömi Tayta Dios gamman ricarpaycämö cuyapämänayquipaj.

Isaías 25:9

Chay junaj runacuna nengapaj: «Chaynömi noganchïpa Diosninchëga. Paymanmi yäracuranchi. Tayta Diosmi salbamashcanchi. Pay salbamashanchïpita cushicur gaparpäshun ari.»

Salmos 69:6

Llapanpaj munayniyoj Tayta Dios, ¡Gamman yäracamojcunaga ama pengaycho cachunchu noga llutanta rurashäpitaga! Israelcuna rispitashan Dios, ¡buluntäniquita rurajcunaga ama llaquicuchunchu noga imatapis rurashäpitaga!

Jeremías 20:11

Chaypis Tayta Dios, gamga pipis mana binsinan pillyay yachajnömi nogawan caycanqui. Gaticachämajcunaga quiquinmi mana alliman chayanga. Chaura imatapis manami ruramanganachu. Quiquincunami mana alliman chayar fiyupa pengaycho quëdanga. Chayno pengaycho ricacushantaga imaycamapis runacuna rimaycangami.

Salmos 35:26

Mana alliman chayashäpita cushicurcaycajcunaga pengaycho ricacuchun. Nogapita mas alli-tucojcunaga fiyupa pengaycho cachun.

Salmos 132:18

Chiquejnincunataga fiyupami pengacachishaj. Raytami ichanga alliman churashaj.»

Salmos 71:13

¡Nogata chiquipämajcunaga quiquincuna pengayman chayachun, illgächun! ¡Noga mana alliman chayanäta munajcunataga quiquincunata mana alli chayachun!

Salmos 31:17

Tayta Dios, gammanmi gayacamö. ¡Pengaychöga ama cachaycamaychu ari! Fiyucunata pengaymanga churaycuy. Pantiyun uchcullachöna ushacächun.

Salmos 62:1

Tayta Diosllami alli goyächiman. Payllami salbaman.

Salmos 6:10

Chiquimajcunaga manchariyllawan manami ima ruraytapis camäpacongachu. Illajpitami pengay-tucusha gueshpir aywaconga.

Juan 15:25

Ichanga llapanpis chayno caycan Tayta Diospa palabran cumlinanpämi. Paypa palabranchöga niycan: ‹Manacajpitami chiquimasha› nir.

Salmos 119:78

Mana rispitacojcunaga pengaycho cachun. Paycunaga jitapämallarmi ñacaycächiman. Nogami ichanga willapämashayquicunallata yarparäcushaj.

Salmos 109:3

Fiyupami chiquipäman. Chaymi imatapis mana rimapaycaptillä tucuyta niman.

Salmos 69:4

Imatapis mana ruraycaptillä chiquimajcunaga ajchäpitapis mas aypalla ricacusha. Chiquimajcunaga aypallami mirasha. Imatapis mana ruraycaptëmi illgächimayta yarpaycan. Mana suwapasha caycaptëmi «cutichimay» nircaycäman.

Génesis 49:13

«Zabulón tiyanquipaj lamar cantuncunachömi. Gamga tiyanquipaj büquicuna chayanancho, llojshinanchömi. Lindayquega chayarangapaj Sidoncamami.

1 Crónicas 10:13

Tayta Diosta mana cäsucushanpita y Tayta Diosta tapucunanpa ruquin brüjaman ricachicoj aywashanpitami Saúl chayno wañuran.

Salmos 22:6

Nogaga cä curunöllami. Runacuna asipänanmi cä.

Salmos 31:18

Llullacunawan, asipar manacajman churacojcuna, alli cacojcunata abusapar gallaripajcunaga illgächun.