Salmos 22:16 - Tayta Diosninchi Isquirbichishan

¹⁶ Cañicoj allgucunanömi fiyucunaga intëröpa curalacaycamasha. Maquëta chaquëtapis uchcurisha.

Salmos 22:16 Referans Kwoze

Juan 19:37

Tayta Diospa palabrancho «runacuna ricangami tucsishanta» nishanpis cumliran.

Mateo 27:35

Jesusta crusificaycärir surtita jitaran röpancunata maygan apacunanpäpis. [Chayno ruraptinmi cumliran unay profëta cayno willacushan: «Röpäta raquipänacusha. Röpäta apacunanpaj surtita jitasha.»]

Zacarías 12:10

Davidpita mirar aywajcunata, Jerusalén runacunataga shacyächishaj cuyapäcoj cananpaj, nogaman yäracamur mañacamunanpaj. Chaypitaga tucsimashanmanmi ricäramonga. Chaymi llaquicur waganga japallan wamran wañushapänöraj, guechpa wamran wañushapänöraj.

Juan 20:25

Waquin caj disïpulucuna willaran: «¡Tayta Jesusmi yuripämasha!» nir. Chayno niptin Tomás niran: «Rasunpa cawarimushanta riguinäpäga quiquërämi maquinman läbus yaycushan uchcuta ricanä, chaymanraj dëdöta jatinä, isquïnantapis yatanä.»

Juan 19:23

Jesusta crusificarcärir suldärucunaga röpanta chuscu pedäsuman ruraran. Nircur chay suldärucunaga juc-cama raquipänacuran. Custüran mana captin sotänanpäga parlacuran:

Marcos 15:24

Chaypitanaga crusificaran. Nircur surtita jitaran röpancunata maygan apacunanpäpis.

Juan 19:34

Chayno wañushana caycajtami juc suldäruga Jesuspa isquïnanpa tucsiriran. Tucsiriptin yawarwan yacu llojshimuran.

Lucas 23:33

«Calabëra» nishan puytush lömaman chayaycachir crusman Jesusta labityaran. Juchasapa runacunata apashantapis crusificarcur ichichiran jucta Jesuspa derëchu caj-lädunman, jucnintana ichoj caj-lädunman.

Filipenses 3:2

Llutan yachachicojcunapa yachachicuyninta ama chasquipaychu. Paycunaga cañicoj allgunömi. Paycunaga nin: «Tayta Diosninchi salbashunayquipäga cuerpuyquitaraj señalacuy» nir.

Lucas 23:23

Chayno niptinpis runacunaga masraj gaparparan «¡Crusificachiy, crusificachiy» nir. Chayno gaparpaycällar aunichiptin

Isaías 53:5

Ichanga noganchi Diosta mana wiyacushanchïpitami juchayoj runatanöpis tucsiran. Noganchi mana allita rurashanchïpitami fiyupa ñacachiran. Pay ñacashanpitami noganchi alli goyayta tarishcanchi. Payta däñar-ushashanpitami noganchëga allchacashana caycanchi.

Salmos 22:20

Sabliwan wañuchimänanpita salbaycamay. Ama camacächiychu chay allgucuna wañuchimänantaga.

Salmos 22:1

Diosnillä, Diosnillä, ¿imanirtaj cachaycamashcanqui? ¿Imanirtaj mana salbamanquichu? ¿Imanirtaj mana wiyamanquichu llaquicur mañacaycämushäta?

Juan 20:27

Nircur Tomasta niran: «Tomás, maquëman dëduyquita jatiy. Isquïnäpa tucsimashantapis yatay. Ama mana riguej runaga caychu. ¡Riguiy!»

Salmos 59:6

Chacaypami cutimun wagyaj allgunöpis gaparpaycar. Siudätapis tumarcaycan.

Apocalipsis 22:15

Chay siudächöga manami cangachu juchasapacuna: Diosman mana yäracojcuna, brüjucuna, majayoj caycar jucwan cacojcuna, runa-masinta wañuchejcuna, ïdulucunata adurajcuna, runa-masinta engañajcunapis.

Salmos 86:14

Tayta Dios, gamta mana yarpäshojcuna, mana rispitacojcuna wañuchicojcunami conträ ricacusha. Wañuchiytami munarcaycäman.

Mateo 26:57

Jesusta prësu chariycorga aparan mas mandaj cüra Caifaspa wasinman. Chaychömi lay yachachejcuna waquin Israel mayur runacunapis shuntacasha carcaycaran.

Mateo 7:6

«Tayta Diospa willacuyninta willapaptiqui mana chasquishuptiquega ama willapaynachu mastaga. Mana munaycajta willapaptiquega cuestaj perlasta cuchi lluchcacunallanpaj jitapaycajnömi caycanqui. Sïguir willapaptiquega cañicoj allgunöpis rabyar usharishunquimanmi.

Jeremías 12:6

Quiquiquipa wauguiquicunawan famillyayquicunami chiquicurcushurayqui. Ollguyparämi washayquitapis rimarcaycan. Alli shiminpa parlapäshuptiquipis paycunamanga ama yäracuychu.

Salmos 59:14

Chacaypaga cutimun wagyaj allgunöpis gaparpaycar. Siudäta tumarcaycan.

Salmos 38:11

Guerëcuna captinmi llapan amïgöcunapis, castäcunapis carullachöna carcaycan.