1 Diosnillä, Diosnillä, ¿imanirtaj cachaycamashcanqui? ¿Imanirtaj mana salbamanquichu? ¿Imanirtaj mana wiyamanquichu llaquicur mañacaycämushäta?
Jatun mallway caycaptinna Jesusga llapan callpanwan niran: «Eloi, Eloi, ¿lama sabactani?» nir. Chay ninanga caran «Diosnillä, Diosnillä, ¿imanirtaj cachaycamashcanqui?» ninanmi.
Mallway intino caycaptinnaga llapan callpanwan Jesús gaparar niran: «Elí, Elí, ¿lama sabactani?» Chay ninanga caran «Diosnillä, Diosnillä, ¿imanirtaj cachaycamashcanqui?» ninanmi.
Jesucristoga cay munducho goyaycashpan wagayparaj, gayacuyparämi ruwacuran. Wañuypita salbacoj Tayta Diosta mañacuran «Yanapaycallämay munashayquino llapanpis camacaycunanpaj» nir. Tayta Dios nishanta ruraj captinmi mañacushanta wiyaran.
Cañicoj allgucunanömi fiyucunaga intëröpa curalacaycamasha. Maquëta chaquëtapis uchcurisha.
«Llaquicuyllämi micuynënöpis; gaparashäpis aypalla yacu aywajnörämi.
Nircurna niran: «Gamcunawan caycashpanchi maynami willaparä llapan cayno cananpaj cashantaga. Moisés laycunata isquirbishancho, profëtacuna isquirbishancho, Salmos libruchöpis nogapaj niycashanga llapanmi canan cumlisha.»
Tayta Dios ¿imanirtaj carullacho cacunqui? ¿Imanirtaj pacacunqui llaquicuycuna cashan öra?
Chaynöpis guellaypäga ama yargaj caychu. Chaypa ruquenga Tayta Diosman yäracur cushisha caway. Ama gongaychu Tayta Diosninchi palabrancho cayno nishanta: «Imaypis manami cachaycushayquichu. Gamcunataga imaypis yanapäshayquimi.»
Rasunpa rispitaptiqui Tayta Diosga manami imaypis cachaycushunquipächu. Payga munan gamcuna acrashan runacuna canayquitami.
Ama cachaycamaychu. Llaquicuynami nogamanga chayaycämun. Pipis manami canchu yanapämaj.
Paycuna ninacun: «Gaticachashpayqui chariy. Diosga cachaycushanami. Manami pipis salbangachu.»
Nogami camacächishaj salbanäpaj caycäga juclla chayamunanpaj. Salbanäpäga manami aycäpis pishinnachu. Sión runacunataga nogami salbashaj. Quiquëmi Israelchöpis caycäshaj.»
Callpäpis mananami cannachu. Wirur-ushashanömi nanapäcuycä. Chaymi llapan shongöpa llaquicur ataycä.
Tayta Diosga cuyan allita rurajtami. Pay munashannölla cawajcunataga manami gonganchu. Juchasapacunatami ichanga illgächin. Chaynöpami paycunapaga wamrancunapis mana cangachu.
Tayta Dios, gammanmi yäracamö. ¡Chapaycamay ari!
Fiyupa llaquicushpan llapan shongunpa mastaraj Tayta Diosta mañacuran. Südayninpis yawarnöraj pampaman juturan.]
Llapanchïpis ucumaryanömi gaparpaycanchi. Palumanömi ataycanchi. Salbasyunta shuyararpis manami salbacunchïchu.
Juchasapacunatanöga ama ruramaychu. Wañuchicojcunatanöga ama castigamaychu.
Chay ofrendata achcaman paquirir asëtita jananman wiñanqui. Chayga chaqui micuy ofrendami caycan.