8 Senganpita goshtay llojshiycaran, shiminpitana nina. Shiminpaga ajtuycämuran ratataycaj shanshata.
Chayamushpayqui fiyucunataga llapantami rataycaj jurnuman gaycunquipaj. Tayta Diosnami rabyasha cashpan ninawan ushajpaj illgarachenga.
Tayta Diosga fiyu runacunaman tamyachimonga shanshata, nina rataycajta, asufrita. Chaynömi acaj fiyu wayratapis wayrächimonga ruparinanpaj. ¡Tayta Diosmi castiganga!
«Nogami gamcunata castigarä Sodomatawan Gomorrata castigashäno. Chaymi gamcunaga caycarayqui ninapita jorgurisha tisunno. ¡Chaypis gamcunaga manami nogaman yapay yäracamushcanquichu!» Tayta Diosmi chayno nisha.
«Paypa ñaupanpitaga nina rataycaj mayumi llojshiycaran. Waranganpa-waranganpa runacuna aduraycaran. Yupaytapis mana atipaypaj sirbircaycaran. Chayno caycaptin auquenga jusgananpäna jamaycuran. Librucunatapis quicharan.
Tayta Diosga ninawan ruparachiran ishcay pachac pichga chuncan (250) insinsuta saumachej runacunatapis.
Chaymi jinan öra Tayta Diospa ñaupanpita nina llojshimur paycunata rupar wañurachiran.
Ricäriran Sodomawan Gomorra caycashan ragran aywajpa. Ricaran intëru chay ragran aywajpaga jurnïllupitanöraj goshtay yana gontaynöraj jatariycämojta.
Pipis wañuchiyta munaptenga shiminpitami nina llojshimonga rupar usharinanpaj. Contrancunataga quiquincunatami wañuchenga.
Ricapäriptiqui cay pachaga sicsicyaytami gallaycun. Yataycuptiquega jircacunapis goshtacarcamunmi.
Tayta Dios, ¿imanirtaj para-simriga nogacunata jitarimashcanqui? Nogacuna acrashayqui uyshayquino caycaptëga ¿imanirtaj fiyupa rabyacurcushcanqui?
Tayta Diosninchëga manami mana musyacayllachu shamonga. Paypa ñaupantaga shamonga ima-aycatapis rupar ushacurcoj ninami. Paypa intërun tumarejpana shamun fiyu wayra.
Tayta Diosga manami perdunashunquipächu, sinöga fiyupa rabyashpanmi cay librucho isquirbiraycaj llapan maldisyuncunawan castigashunquipaj gampita mirajcunapis ushacashanyaj.
Chaypitanaga Israelcuna amatar ñacar Tayta Diospa contran rimaran. Rimashanta wiyar Tayta Diospis fiyupa rabyacurcuran. Chaymi Israelcuna tiyaycashan cantunpa ninata ratarachiran.
Shiminpitapis llojshin nina ratataycajraj. Nina shansharämi shicwarcunpis.
Casadurpita gueshpej cäga yagangapaj uchcumanmi. Uchcupita llojshirir gueshpej cajnami togllacho watacasha quëdanga. Fiyupa löcu tamyami tamyamongapaj. Cay pachata tucnarämojcunapis chucchongarämi.