Salmos 18:12 - Tayta Diosninchi Isquirbichishan

¹² Fiyupa achicyaycaj illguymi ñaupanpita llojshiran. Pucutaypitana tamyamuran runtu tamyawan ratataycaj shansha.

Salmos 18:12 Referans Kwoze

Josué 10:11

Amorreo runacuna Israelcunapita ayguishpan Bet-horonta urarcaycaptinmi Tayta Diosga jatusaj rumicunatano runtu tamyata tamyachimuran. Chay runtu tamyawanmi Israelcuna sabliwan wañuchishanpita mas aypalla wañuran.

Apocalipsis 16:21

Syëlupitanami chuscu arröbano runtu tamya runacunapa jananman tamyamuran. Chay runtu tamyawan ñacar runacunaga Tayta Diospa contran fiyupa rimaran.

Mateo 17:5

Chayno Pedro niycaptillanmi fiyupa achic-achicyaycaj pucutay chapacurcuran. Chaura pucutay rurinpita Tayta Dios nimuran: «Payga cuyay wamrämi. Paypitami fiyupa cushisha caycä. Pay nishushayquicunata wiyacuy.»

Mateo 17:2

Chaychömi disïpuluncuna ricapaycaptin Jesús juc-nirajman ticraran. Jesuspa cäranga intinöraj fiyupa achic-achicyaycaj ricacuran. Röpanpis achic-achicyaycaj yuraj ricacuran.

Salmos 104:2

Gamga achquiwan pitucurcusha carmi ñawitapis pengacachej achquicho caycanqui. Tëlata mashtajnömi syëlutapis mashtarishcanqui.

Éxodo 19:9

Chayno willaptinmi Moisesta Tayta Dios niran: «Yanauyaycaj pucutay rurinpitami parlapäshayqui Israel runacuna wiyananpaj. Chaynöpami paycuna imaypis riguenga gamta parlapashäta.»

Isaías 50:3

Nogami syëlutapis yanauyaycajman ticrarachë. Lütu caycajmanno yanayächë.»