Salmos 16:5 - Tayta Diosninchi Isquirbichishan

⁵ Tayta Dios, gammi erensyä canqui; sumaj bindisyunta gomanqui. Nogaga gampa munayniquichömi caycä.

Salmos 16:5 Referans Kwoze

Salmos 73:26

Callpäpis manami cajnönachu. Chaypis gamllami imaypis yanapaycämanqui. ¡Gamllami nogataga balurta goycämanqui!

Salmos 142:5

Gamtami mañacamö Tayta Dios. Mañacamushpämi cayno në: «Gammi canqui pacacunä. Gamllami cay bïdachöga cawachimanqui» nir.

Lamentaciones 3:24

Shongullächöga në: «Nogapäga Tayta Diosllami llapanpitapis mas alli. Chaymi payllaman yäracö.»

Salmos 23:5

Chiquimajcuna ricapaycämaptinmi mas alli micuyta garamanqui. Alli jamachimashpayquimi umämanpis asëtita wiñapämanqui. Jicha-jichananyajrämi bäsömanpis wiñapämashcanqui.

Salmos 119:57

Tayta Dios, gamllamanmi yäracaycämö. Palabrayqui imanöpis nishanta cumlinäpämi aunishcä.

Deuteronomio 32:9

Chaymi paycunata cuyar acraran yanapänanpaj. Jacobpita mirajcunatami shuntaran paypa maquincho cawananpaj.

Salmos 89:4

«Nogami camacächishaj gampita mirajcuna imaycamapis ruquiqui mandaj cananpaj» nir. Selah

Jeremías 10:16

Tayta Diosninchïmi ichanga juc-niraj. Paymi ima-ayca caycajtapis ruraran. Israelcunataga paymi acrasha quiquinpa cananpaj. Paypaga jutinpis Munayniyoj Tayta Diosmi.

Isaías 53:12

Chaypitami paytaga Tayta Dios mas alliman churanga. Chaychöga munayniyojcunawan iwalmi alli cajta chasquengapaj. Chaynöga chasquengapaj wañushanpitami, juchayojcunano ñacashanpitami. Rasunpa payga aypalla runacunapa juchantami aparan. Juchayojcunapäpis ruwacur mañacusha.

Salmos 116:13

Tayta Diostaga agradësicuyllami agradësicushaj. Paytami mañacushaj.

Salmos 9:4

Gamga alli juez carmi dimandöta alli arriglanqui. Jamaränayquiman jamaycushcanqui llapanta jusganayquipaj.

Hechos 5:31

Nircurmi Diosga derëchu caj-lädunman jamachisha, munayniyoj mandaj cananpaj, salbamajninchi cananpaj. Chaymi Israelcuna juchancunapita arpinticur mañacuptenga perdunanga.

Salmos 132:11

Tayta Diosmi Davidta auniran. Aunishantaga manami cutiricongachu. Aunir niran: «Gampita mirar aywajllami ruquiqui ray canga.

Salmos 2:6

«Rispitädu Sión lömächo raynë cananpäga maynami acrashcä» nir.

1 Corintios 15:25

Chaycamaga Tayta Jesucristumi llapanta maquincho chararanga llapan contrancunata binsinancama.

Salmos 125:3

Tayta Dios acrashan runacunata manami fiyu runacunaga mandangachu. Fiyu runacuna mandaptin alli runacunaga juchata rurarpis ruraycunmanchari.

Salmos 11:6

Tayta Diosga fiyu runacunaman tamyachimonga shanshata, nina rataycajta, asufrita. Chaynömi acaj fiyu wayratapis wayrächimonga ruparinanpaj. ¡Tayta Diosmi castiganga!

Efesios 5:18

Ama upyaychu. Machashacunaga pirdicashami goyan. Chaypa ruquenga Espíritu Santu munashanno cushisha caway.

Isaías 42:1

Tayta Diosmi cayno nin: «Caychömi caycan sirbimajnë. Paytaga nogami yanapaycä. Paytaga nogami acrashcä. Paypämi nogaga fiyupa cushicö. Paymanmi espiritöta churashcä. Chaymi llapan nasyuncunacho alli goyay cananpaj arriglanga.

Hechos 2:32

Tayta Diosga nishannöllami Jesusta cawarachisha. Pay cawarishantaga llapanëmi ricashcä.

Deuteronomio 18:2

Marca-masincuna chasquishannöga manami chacrata chasquengachu. Paycunataga quiquin Tayta Diosmi aunishanno cawachenga.

Josué 22:25

Nogacuna adurashä Tayta Diosmi Jordán mayuta churasha shuynina canapaj. Chaymi gamcuna Rubén, Gad trïbucuna caycho Tayta Diosta aduranayqui mana camacanchu› nir. Chayno wamrayquicuna niptenga wamräcuna Tayta Diosta manami aduranganachu.

Josué 22:27

Chaypa ruquin chay altarga canga gamcunawan nogacuna, wamranchïcunapis alli parlashanchi musyacänanpämi. Nogacunapis Tayta Diostami sirbishaj. Pay caycashanmanmi nogacunapis rupachina sacrifisyöcunata apashaj rupachinäpaj. Alli goyaypita sacrifisyucunata pishtanäpäpis chaymanmi apashaj. Chayno waquin sacrifisyucunatapis apashaj. Chaura wamrayquicunapis manami michanganachu: ‹Gamcuna Tayta Diosta aduranayquega manami camacanchu› nir.