Salmos 16:10 - Tayta Diosninchi Isquirbichishan

¹⁰ Wañojcuna pamparashanchöga ama cachaycamanquichu. ¡Sepultürachöpis ama cachaycunquichu acrashayquitaga!

Salmos 16:10 Referans Kwoze

Salmos 49:15

Nogatami ichanga wañuypita Tayta Dios salbamanga. Paymi pushacamanga. Selah

Apocalipsis 1:18

Nogaga imaypis cawaycämi. Wañuchimashanpita cawarimushcä imaycamapis cawanäpämi. Nogami charaycä wañushacunapa almancuna caycashan lläbita.

Apocalipsis 20:13

Lamarcho wañojcuna, pamparajcuna, may-chaycho wañojcunapis cawarimuran. Llapantami Tayta Dios jusgaran rurashanman-tupu.

Lucas 16:23

Mana cuyapäcoj rïcu runapa almannashi infiernuman aywaran. Chaycho fiyupa ñacaycashanchöshi carupita ricaran Lázaro Abrahampa ñaupancho caycämojta.

Lucas 1:35

Niptin anjil niran: «Espíritu Santu gamman chayamuptinmi Tayta Diospa munaynin pucutay llantupajno chayamongapaj. Chaynöpami chay yurinanpaj caj wamrayquitaga ‹Diospa Wamran› nenga.

Isaías 14:9

Wañojcunanami pacha rurincho ricaj-ricajlla shuyarpaycäshunqui. Wañojcuna jatarisha gamta taripäshunayquipaj. Wañoj mandajcunapis aywaycämun taripashunayquipaj. Sillunninpita jatarircaycämun gamta chasquicushunayquipaj.

Deuteronomio 32:22

Cananga nina ratarejnörämi fiyupa rabyacurcushcä. Rabyashäga chayanga pacha rurincamami. Allpatapis micuytapis manami wayuchishächu. Jircacunatapis rupachirmi ushashaj.

1 Corintios 15:42

Chaynömi canga runa wañushanpita cawarimuptinpis. Muruta murushannömi pampasha cäga ushacanga. Cawarimoj cäga manami ushacanganachu.

Números 6:6

Nazareo cashan wichanga wañushacunata ricajpis ama aywangachu

Levítico 19:28

Wañojcunapaj llaquicushpayqui garayquicunata ama yawar-yawar ruracunquichu. Cuerpuyquicho ima señaltapis ama ruracunquichu. Noga Tayta Diosniquimi chayno në.

Lucas 4:34

«Nazaret runa Jesús, ¿imatataj caycho munanqui? ¿Illgächimajchu shamushcanqui? Nogaga rejsëmi pï cashayquitapis. Gamga canqui Dios cachamushan Cristumi.»

Amós 9:2

Allpa rurinman may ruriman pacacuptinpis, chaypitapis jorgamushämi. Syëlu may altucho caycajman wichaptinpis, chaypitapis urächimushämi.

Daniel 9:24

«Ganchis chunca semänami camacächisha caycan nasyunniquipäwan rispitädu siudäniquipäga. Chaypitanaga jucha ruray manami canganachu. Mana alli ruraycunapis illganganami. Jucha rurashancunapitapis perdunashanami canga. Imaycamapis alli goyayllana canga. Suyñur ricashayquinömi llapan nishancuna cumlenga. Diospaj acrashanpis cangapaj fiyupa rispitäduna.

Isaías 5:14

Fistacunallacho goyajcunata y llutancunata parlar cawacojcunataga micucoj animalnömi chay runacunata y mandajnincunatapis llapanta ultacurcunanpaj sepultüra shuyaraycan.

Proverbios 27:20

Wañuypis, pantiyun uchcupis manami yamanchu chaychica runa pampacuptinpis. Chaynömi runapis ima ricashancunatapis munapayta mana yamanchu.

Proverbios 15:11

Tayta Diosga ricaycanmi wañojcuna maycho caycashantapis. Chayno ricaycarga runa yarpashancunata ¿imanirtaj mana ricanmanchu?

Salmos 139:8

Syëluman aywacuptëpis chaychömi gam caycanqui. Cay pacha rurinman yaycuptëpis chaychöpis gamga caycanquimi.

Salmos 9:17

Fiyucunawan Tayta Diosta mana rispitajcunaga wañojcuna cashanmanmi chayanga.

Job 11:8

Chaycunaga syëlupitapis mas janajchömi. Chayno caycaptenga ¿imatataj ruranquiman? Pachapa rurinpitapis mas rurichömi. Chayno caycaptenga ¿imatataj musyanquiman?