Salmos 149:3 - Tayta Diosninchi Isquirbichishan

³ Tayta Diostaga dansashpayqui alabay-llapa. Arpacunata panderëtacunata tucashpayqui imnucunata cantay-llapa.

Salmos 149:3 Referans Kwoze

Jeremías 31:13

Cushishami dansanga jipashcunapis auquincunapis, mösucunapis. Nogami cushicachishäpaj. Llaquicur wagashanpitapis cushicur goyänanpämi camacächishaj. Llaquicur ñacashanpitapis masrämi cushicachishaj.

Salmos 81:2

Panderëtacuna, arpacuna, arpa-mallwacuna wagashan-tupu cantay.

Éxodo 15:20

Chaypitami Aaronpa pañin profetïsa Mariaga panderëtallanpawan cantaran. Chaura llapan warmicunapis cushicushpan gallaycuran panderëtata awishpan dansayta.

Salmos 30:11

Fiyupa llaquicuycho caycaptëmi cushicuyta churamushcanqui. Lütu röpata lojtiparcamar fistapaj caj röpatana jatiparcamashcanqui.

2 Samuel 6:16

Tayta Diospa babulninta Davidpa siudäninman chayachiptin Saulpa wamran Micalga bentänapa watgarcuran. Ray Davidta ricaran cushicur Tayta Diospa babulninpa ñaupancho pinticachaycajta. Chaymi Davidtaga shongullancho jamurparan.

2 Samuel 6:14

Davidnami lïnu efod jatisha Tayta Diospa babulninpa ñaupanta aywaycaran cushicushpan gachwaraycar.

Jueces 11:34

Mizpacho wasinman Jefté chayaptin jucnaylla warmi wamran tariparan gachwaraycar panderëtata tucaraycar. Japallanmi wamran caran. Manami masga caranchu.

Salmos 33:2

Arpallanpawan Tayta Diosta agradësicuy. Chunca cuerdayoj arpata tucapallapa alabay.

Esdras 3:10

Tayta Diospa Templunta arojcuna intëru cantunpa simintu pergayta gallaycäriptin Israelcunapa raynin David nishanno cüracuna chayaran cuyayllapaj sotänancuna jatisha trompëtanwan-cama, Leví famillya Asafpa wamrancunana latilluncunawan Tayta Diosta alabar tucananpaj.

1 Crónicas 16:42

Paycunaga tucaj trompëtacunata, latillucunata, waquin tucanacunata Tayta Diospaj cantajcunawan iwal. Jedutunpa wamrancunatana churaran puncu yaycurinata täpananpaj.

2 Crónicas 29:25

Ray Ezequiasga Tayta Diospa Templunman churaran Leví runacunata latilluntawan, arpantawan, tacsha arpantawan. Churaran ray David camacächishanno, Tayta Diospa profëtan Gad y Natán nishanno. Chayno rurananpäga Tayta Diosmi profëtancunawan willacachiran.

1 Crónicas 25:6

Wamrancunataga Templucho alabaptin papäninmi yachachej latillucunata, arpata, arpano salteriota imano tucananpäpis. Asaf, Jedutún, Hemán carcaycaran ray nishanta ruraj.

2 Crónicas 20:28

Jerusalenman chayaycärir Tayta Diospa Templunman aywaran arpano salteriocunata, cítaracunata, trompëtancunata tucashpan.

Salmos 81:3

Trompëtacunata tucay llullu quilla fistacho, llëna quilla fistacho. Chay junajcunami noganchïpäga jatun fistanchi.

Salmos 87:7

Llapanmi cantashpan dansashpan nenga: «Jerusalenchömi yurishcä» nir.

Jeremías 31:4

Cuyashä Israelcuna, yapaynami jatarachishayquipaj. Chauraga yapaymi panderëtacunawan shamunquipaj cushisha dansaraycar aduramänayquipaj.