Salmos 149:1 - Tayta Diosninchi Isquirbichishan

¹ ¡Aleluya! ¡Tayta Diosga alabasha cachun! Mushoj alabansawan Tayta Diosta alabay. Payta sirbejcunawan iwal alabay-llapa.

Salmos 149:1 Referans Kwoze

Salmos 33:3

Mushoj alabansata cantay. Sumaj tucashpayqui alabay.

Apocalipsis 5:9

Paycunami mushoj alabansata cantar Cashni uyshata alabaran cayno nir: «Gammi runacuna-raycu wañushcanqui. Chaymi gamlla rölluta chasquircur pachganayquipaj caycanqui. Wañur yawarniquita jichaptiquimi yäracoj cajtaga Tayta Dios salbasha may trïbu runacunatapis, ima rimayta rimaj runacunatapis, may marca runacunatapis, may nasyun runacunatapis.

Hebreos 2:12

Tayta Diospa palabranchöpis niycan: «Gampämi wauguëcunata pañëcunata willapäshaj. Shuntacaycurmi gamta alabashayqui.»

Salmos 148:1

¡Aleluya! ¡Tayta Diosga alabasha cachun! Tayta Diosta alabay-llapa syëlucho cajcuna. Tayta Diosta alabay-llapa janajcho cajcuna.

Salmos 98:1

Mushoj alabansawan Tayta Diosta alabashun. Payga rurasha fiyupa almiraypajcunatami. ¡Munayniyoj cashpanmi, callpayoj cashpanmi llapanta binsisha!

Isaías 42:10

Tayta Diostaga mushoj alabansawan alabay. Cay munducho cajcunaga may carucho cashpayquipis alabay-llapa, lamar jananpa büquiwan purejcunapis, lamarcho tiyaj animalcunapis, lamar chaupin tishgucunacho caycaj nasyun runacunapis.

Salmos 144:9

Tayta Dios, mushoj alabansawanmi alabashayqui. Gamta alabashpä cantashaj chunca cuerdayoj arpata tucapallapa.

Salmos 116:18

Tayta Diosta aunishätaga cumlishämi acrashan runacunapa ñaupanchöpis,

Salmos 68:26

¡Gamcunaga llapaniqui Tayta Diosta alabay! ¡Israel cajcunaga llapayqui shuntacaycur Tayta Diosta alabay!

Salmos 22:25

Adurashunayquipaj shuntacashan runacunapa ñaupanchömi alli cashayquipita alabashayqui. Gamta rispitashojcunapa ñaupanchömi llapan aunishäta cumlishayqui.

Salmos 22:22

Gampämi runa-masïcunata willapäshaj. Shuntacashancunachömi alabashayqui.

Salmos 89:5

Tayta Dios, janaj pachacho caycajcunami alabashunqui llapanta cumlej cashayquipita, milagrucunata rurashayquipitapis.

Salmos 96:1

Tayta Diosta alabay-llapa mushoj alabansacunawan. Llapayqui Tayta Diosta alabay.

Salmos 111:1

¡Aleluya! ¡Tayta Diosga alabasha cachun! Llapan shongöpami Tayta Diosta alabashaj alli runacuna shuntacasha caycashancho, llapan runacunapa ñaupancho.

Salmos 35:18

Acrashayqui runacunapa ñaupanchömi agradësicushayqui. Aypalla runacunapa ñaupanchömi alabashayquipis.