Salmos 143:9 - Tayta Diosninchi Isquirbichishan

⁹ Nogaga chapämänayquipaj gammanmi yäracamö. Chiquimajcunapita salbaycamay ari Tayta Dios.

Salmos 143:9 Referans Kwoze

Proverbios 18:10

Tayta Diosga caycan mana tunej alli arusha törrinömi. Alli runacuna payman yäracojtaga imapitapis chapanmi.

Salmos 142:5

Gamtami mañacamö Tayta Dios. Mañacamushpämi cayno në: «Gammi canqui pacacunä. Gamllami cay bïdachöga cawachimanqui» nir.

Salmos 59:1

Tayta Dios, chiquimajcunapita salbaycamay ari. Ñacachimajcunapita jorgaycamay ari.

Salmos 56:9

Yanapämänayquipaj mañacamuptë chiquimajcuna pillyaj shaycämushanchöpis cuticongami. Rasunpami musyä faburnë caycashayquita.

Salmos 31:15

Nogaga gampa maquiquichömi cawaycä. Salbaycamay ari chiquimashpan gaticachaycämajcunapita.

Hebreos 6:18

Tayta Diosninchëga manami llullacunchu. Chaymi canan noganchïpis musyanchi jurashanta, aunimashanchïta cumlinanpaj cashanta. Chaymi payman yäracoj cajcunaga cushisha shuyäcunchi Tayta Dios aunimashanchïta imay öra carpis cumlimänanchïpaj cashanta.

Salmos 57:2

Syëlucho caycaj Tayta Dios imaypis yanapämaptiquimi gamta mañacamö.

Salmos 142:7

Carsilcho caycajno caycashäpita jorgaycamay. Cayno llaquicuycashäpita jorgaycamay gamta alabanäpaj. Chaypitaga alli runacuna cushicushpanmi nogawan goturpanga.