Salmos 143:7 - Tayta Diosninchi Isquirbichishan

⁷ Tayta Dios, juclla yanapaycamay ari. Jämaynëpis ushacaycannachaj. Ama cachaycamaychu. Cachaycamaptiquega wañojcunanönachari cashaj.

Salmos 143:7 Referans Kwoze

Salmos 69:17

¡Ama ñïgaycamaychu ari! ¡Juclla yanapämay ari canan ñacaycashä öra!

Salmos 28:1

Tayta Dios, gamllami canqui gaganöpis chapämaj. Gamllatami ruwacur mañacaycämö. Ama caychu mana wiyaj-tucuypaga. Mana yanapämaptiquega wañusha japuynami ricacushaj.

Salmos 27:9

Nogapita ama pacacuychu. Ama wasguipämaychu. Gamllami imachöpis yanapämanqui. Japallätaga ama cachaycamaychu ari. Gamllami canqui salbamaj Tayta Diosnëga.

Salmos 71:12

Tayta Dios, ama witicuychu nogapitaga. ¡Juclla aywaycamuy yanapämänayquipaj!

Isaías 38:18

Pantiyuncho pamparaycajcunaga mananami pipis alabashunquinachu. Pampacojcunaga manami ricannachu aunishayquita cumliptiquipis.

Salmos 102:2

Llaquicuycaptëga nogapita ama pacacuychu ari. Wiyaycamay ari. Mañacaycämuptëga juclla yanapaycamay ari.

Salmos 69:3

Chay-jina gaparaycällar gasmashcänami. Cuncäpis nanaycannami. Tayta Diosta shuyaraycaptillänami ñawëpis chacaycanna.

Lucas 21:26

Imapis cay pachata päsananpaj cashanta yarpashpan runacunaga manchariywan rimaytapis mana puydir chiyacäconga. Chay örami goyllarcunapis wacman cayman cuyonga.

Isaías 57:16

Nogaga manami para-simriga ‹juchayoj canqui› niycäshäpänachu. Mananami para-simriga rabyashapis caycäshänachu. Chayno rabyashalla captëga camashä runacuna mananami yäracamanmanchu.

Isaías 8:17

Jacobpita mirar aywaj runacunapita Tayta Dios pacacusha captinpis nogaga paymanmi imaypis yäracö. Imano captinpis payllamanmi yäracuycä.

Salmos 70:5

Nogaga pobri cashpämi llaquicuycä. Tayta Dios, yanapämänayquipaj juclla shaycamuy. Gammi canqui yanapämaj, imapitapis jorgamaj. Mana shuyarayllapa yanapaycallämay ari.

Salmos 40:17

Tayta Dios, noga pobriyasha llaquicuycajta ichanga ama gongaycamaychu. Gammi canqui yanapämaj imapitapis jorgamaj. Juclla yanapaycamay ari.

Salmos 22:24

Payga manami gongaycunchu pobricuna ñacashanta. Manacajmanpis manami churanchu pobricuna ñacaycajta. Manami pacacunpischu. Mañacuptenga yanapanmi.

Salmos 84:2

Llapan shongöpami wasiqui puncucho cayta munä. Llapan shongöpami cushisha alabä cawachicoj Tayta Diostaga.

Salmos 69:18

Shamur salbaycamay ari. ¡Chiquimajcunapita jorgaycamay ari!

Proverbios 13:12

Runaga yarpashanta mana tariycur fiyupami llaquicun. Llapan yarpashancunata tarirmi ichanga fiyupa cushicun.