Salmos 143:11 - Tayta Diosninchi Isquirbichishan

¹¹ Tayta Dios rispitasha canayqui-raycu cawachimay ari. Allita ruraj cashpayqui fiyupa llaquicuycajta jorgaycamay ari.

Salmos 143:11 Referans Kwoze

Salmos 31:1

Tayta Dios, gamllatami yäracö chapämänayquipaj. Ama cachaycamaychu pengaycho canäpäga. Alli cashpayqui salbaycamay ari.

Salmos 119:25

Wañuycänami. Allchacaycachimay ari palabrayquicho aunimashayquino.

Salmos 119:37

Ama cachamaychu manacajcunallaman ricaränätaga. Cawachimay ari gam munashayquino caminullayquipa purinäpaj.

Salmos 71:2

Tayta Dios, allita rurajmi canqui. Salbaycamay ari. Wiyaycallämay, yanapaycallämay ari.

Habacuc 3:2

Tayta Dios, intërupa rejsisha cashayquitami musyashcä. Tayta Dios, imata imano rurashayquitapis wiyarmi fiyupa almirä. Unaycuna rurashayquino ruray ari canan nogacuna caycashä wichanpis. Chaynöpanami nogacunapis rurashayquita musyashaj. Rabyashpayquipis cuyapäcoj cashayquita yarpaycuy ari.

Salmos 138:7

Ima mana allimanpis chayaptë Tayta Dios gammi yanapämanqui. Munayniyoj cashayquita musyachishpayquimi chiquimajcunapitaga salbamanqui.

Salmos 119:88

Cuyacoj cashayquimanno masta cawachimay ari. Chaura estatutuyquicunatapis cumlishämi.

Salmos 85:6

Acrashayqui runacuna carcaycaptenga ¿manachu cawaycajta cachaycamanquiman? Nogacuna cushicunäpaj ¿manachu cawachimanquiman?

Salmos 34:19

Allillata ruraj runacunataga imapis mana allicunarämi chayan. Chaycunapitaga llapanpitapis Tayta Diosmi salban.

Salmos 25:11

Tayta Dios nogapa juchäga aypallami. Gam alli cashayquita parlananpaj perdunaycamay ari.

Salmos 143:1

Tayta Dios, mañacaycämushäta wiyaycamay. Ruwacaycämushäta wiyaycuy ari. Yanapaycamay ari. Gamga allimi canqui. Aunishayquitaga cumlinquimi.

Salmos 119:107

Tayta Dios, fiyupami llaquicuycä. Palabrayqui nishanno cawachimay ari.

Salmos 119:40

Nogaga mandamintuyquicunata sumaj yachacuytami munä. Cawachimayraj ari. Gamga alli juezmi canqui.

Salmos 25:17

Shongöga masta mastami ushaycan. Mana llaquicunäpaj yanapämay ari.