Salmos 142:7 - Tayta Diosninchi Isquirbichishan

⁷ Carsilcho caycajno caycashäpita jorgaycamay. Cayno llaquicuycashäpita jorgaycamay gamta alabanäpaj. Chaypitaga alli runacuna cushicushpanmi nogawan goturpanga.

Salmos 142:7 Referans Kwoze

Salmos 143:11

Tayta Dios rispitasha canayqui-raycu cawachimay ari. Allita ruraj cashpayqui fiyupa llaquicuycajta jorgaycamay ari.

Salmos 146:7

Ñacaycajcunataga yanapanmi. Yargaypita caycajcunatanami micuyta tarichin. Prësu caycajcunatapis Tayta Diosga jorgunmi.

Salmos 13:6

¡Alli ricamashanpitami Tayta Diosta alabashaj!

Santiago 5:11

Noganchëga musyanchïmi Tayta Diosninchi munashanno mana yamacaypa goyajcuna cushisha cananpaj cashanta. Tantiyacuy Job fiyupa ñacarpis mana yamacaypa Tayta Diosninchïman yäracushanta. Chayno yäracuptinmi Tayta Diosninchi cuyapäcoj cashpan payta yanaparan. Tayta Diosninchëga noganchïtapis mana gongaypami imaypis cuyapämanchi.

Hechos 2:24

Tayta Diospa wamran caycarga manami wañushallanchöga usharanmanchu caran. Chaymi wañuy chararänanpita Tayta Diosga Jesusta cawarachisha.

Isaías 61:1

Tayta Dios acramasha captinmi Tayta Diospa Espiritonga nogacho caycan. Nogataga cachamasha pobricunata alli willacuyta willapänäpämi; llaquisha caycajcunata cushicachinäpämi; prësu caycajcunata librina cananpäna willapänäpämi; carsilcho wichgaraycajcunatapis jorgunäpämi;

Salmos 9:14

Chaynöpami Jerusalenman yaycunacho willacushaj alabashunayquipaj. Salbamashayquipitapis cushicushämi.

Salmos 142:1

Sinchi gayacuypami Tayta Diosta mañacushcä. Callpaypa gayacurmi cuyapämänanpaj ruwacushcä.

Salmos 119:17

Nogaga gamtami sirbiycä. Cawachimay ari. Palabrayquitaga wiyacushämi.

Salmos 116:7

Cananmi ichanga, imatapis mana yarpachacuypana goyäcö. Nogataga Tayta Diosmi alli ricamasha.

Salmos 119:74

Gamta rispitashojcunaga ricamashpan cushicongami. Nogaga palabrayqui niycashanmanmi yäracö.

Salmos 34:2

Tayta Diospitami fiyupa cushisha caycä. Umildi runacunapis wiyashpayqui cushicuy.

Salmos 31:8

Chiquimajcunapa munayninmanga manami cachaycamashcanquichu. Nogataga alli pachamanmi churamashcanqui.

Salmos 9:3

Chiquimajcuna gampitaga gueshpinmi. Tunerga jinanchömi wañun.

Salmos 38:20

Noga allita rurashäpita mana alliwanmi cutiycächiman. Noga alli cajllata ruraptëmi paycunaga chiquicarcäraman.

Salmos 143:9

Nogaga chapämänayquipaj gammanmi yäracamö. Chiquimajcunapita salbaycamay ari Tayta Dios.