Salmos 142:2 - Tayta Diosninchi Isquirbichishan

² Paymanmi quijacuycä. Paytami musyaycächë imapita llaquicuycashätapis.

Salmos 142:2 Referans Kwoze

Romanos 8:26

Cay pachacho cawashanchïcama Tayta Diosninchïman yäracur payta mañacurpis manami camäpacunchïchu pay munashanno mañacuyta. Sumaj mañacuyta mana camäpacuptinchïmi Espíritu Santu llapan shongunwan Tayta Diosninchïta mañacun yanapämänanchïpaj.

Isaías 26:16

Tayta Dios paycunaga llaquicushpan gamtami ashishurayqui. Castigaptiqui paycunaga mañacushurayqui.

Hebreos 5:7

Jesucristoga cay munducho goyaycashpan wagayparaj, gayacuyparämi ruwacuran. Wañuypita salbacoj Tayta Diosta mañacuran «Yanapaycallämay munashayquino llapanpis camacaycunanpaj» nir. Tayta Dios nishanta ruraj captinmi mañacushanta wiyaran.

Salmos 62:8

Marca-masëcuna payllaman yäracuyga ari. Mana manchacuypa willapay mañacushayqui öra. ¡Tayta Diosmi pacacunanchëga! Selah

Salmos 42:4

Ñaupata goyashäpaj yarpärirmi fiyupa llaquicö. Yarpä aypalla runacunawan Tayta Diospa wasinman aywashäta. Pushaptë runacunaga aywaj fistacho cushicur Tayta Diosta alabananpaj.

Salmos 28:1

Tayta Dios, gamllami canqui gaganöpis chapämaj. Gamllatami ruwacur mañacaycämö. Ama caychu mana wiyaj-tucuypaga. Mana yanapämaptiquega wañusha japuynami ricacushaj.